Leolinda Faan Modo Tahan Hodi Sustenta Nesesidade Uma Laran

DILI, STLNEWS.co – Vendedor Leolinda Soares, husi Munisipiu Aileu faan modo tahan iha merkadu Manleuana hanesan modo mutin, ai-farina tahan, aidila no seluk tan, hodi bele selu oan nia eskola no sustenta ba nesesidade uma laran.

Nia dehan, hanesan negosiante lor-loron faan modo tahan tanba sira moris ho fila liman deit, maibe ema ladun sosa tanba EE no mos modo-tahan neebe atu hola mak Iaiha, tanba iha lockdown halo kareta Ia tama Dili.

“Hau faan ema ladun hola, maibe naran faan deit tanba ita tuur iha uma mos labarik eskola tan, nee mak hau naran faan deit, se wainhira ita tuur iha uma se mak buka atu fo ba ita, molok seidauk tama EE nee ema hola, maibe modo mak Ia iha fali, tanba ema husi munisipiu sira laiha movimentu tama mai iha Dili,” hatete Leolinda ba STL, iha merkadu Manleuana, Kuarta (12/05/2021).

Nia hatutan, kareta tula modo husi munisipiu sira lori tama sidade Dili nee iha dadersan madrugada deit, maibe la biban atu hola modo tanba lao ain kompara ho sira seluk ho kareta halo nia hola tomate deit.

“Hau lao lor-loron hanesan nee deit, ema seluk sae kareta, maibe hau lao ain tanba hau kuandu sae kareta entaun modo folin neebe hau faan nee selu tiha ba kareta nee oinsa mak hau rai hamutuk bele seluk labarik nia eskola,” katak nia.

Nia salienta, agora iha EE nia laran nee ema hola, maibe hola hanesan $1 no $2 hanesan nee, konforme ba folin deit, se folin diak ema hola, se folin Ia diak ema Ia dun hola.

Iha parte seluk, negosiante lao ain Augusto Sequeira hatete, maske dadaun nee ho idade avansadu ona, maibe nia nafatin faan modo atu bele tulun nia familia no selu oan nia eskola.

“Nuudar aman nafatin esforsu hodi faan modo maske idade avansadu ona, hodi bele selu oan nia eskola nomos ba hola hahan, se ita Ia buka se mak atu buka fo ba ita, negosiante nee hafoin leba modo nakonu ho kosar liu husi Manleuana mota ulun. Hau sai iha Toufmeta tuku lima (05:00) lao ain, dalaruma fila mak sae kareta, maibe agora kareta Ia halai tanba estadu bandu entaun lao ain deit” nia dehan.*

Reportajen : Blandina Mauno
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

URA Feto Sempre Apoiu Mane

DILI, STLNEWS.co – Tempu difisil feto sempre apoiu mane iha luta ba Ukun Rasik An (URA), ikus hetan independensia, kontribuisaun konta hotu feto ho...

Loron Ba Loron Jose Nia Rendimentu Menus

DILI, STLNEWS.co – Negosiante Jose Nascimento Nunes, neebe faan ropa obralan iha area Bairru Pite, sente triste ho situasaun pandemia Covid- 19 nee, tanba...

Kandidatu An PR, Tenke Hatene Linguistika

DILI, STLNEWS.co – Jurista Timoroan Sergio Dias Quintas dehan, individu neebe hakarak kandidatu ba Prezidente Republika (PR), tenke hatene linguistika no labele sai opozisaun. "Primeiru,...
%d bloggers like this: