Lista Benefisiariu MAE Simu Husi Aldeia-Suku

Ministru Administrasaun Estatal (MAE), Miguel Pereira de Carvalho. (Foto: STL/Jacinta Sequeira)

DILI, STLNEWS.co – Lista benifisiariu neebe hetan aihan sesta bazika, iha ambitu pandemia Covid-19, nee Ministeriu Administrasaun Estatal (MAE), simu husi aldeia, suku no Munisipiu.

Ministru Administrasaun Estatal (MAE), Miguel Pereira de Carvalho hatete lista nee mai husi aldeia no suku, depois tama iha postu no mai too iha Munisipiu, tanba lista nee mai husi aldeia, tanba lista nee rejista, bazeia ba fisa da familia.

Agora fisa da familia nee kada individu ida-idak mak ba too iha aldeia, para atu rejista membru familia sira, no xefi suku sira bazea lista neebe mai husi aldeia, tanba bazeia ba fisa familia nee mak haruka lista nee mai iha Estatal.

“Ohin ita hatete dadaun nee, nee hau hanoin problema neebe ita tenke haree didiak no investiga didiak, tanba MAE husu ba lideransa komunitariu xefe suku no xefe aldeia sira para atu hatama fisa familia neebe mak rejistadu ona iha suku ate dia 10 Maiu tinan 2020 ninia, agora bele akontese 10 de Maio nee, ema balun bele moris no sidadaun balun fila ona ba mundu, seluk balun moris tan, bele akontese mos sasan sira hanesan nee, hau hanoin asuntu nee ita presiza investigasaun tanba ita,” dehan Miguel ba jornalista, iha salaun MAP, Comoro, Dili, Kinta (21/01/2021).

Iha parte seluk, Ministru Turismu, Comersiu, no Industria (MTCI), Jose Lucas do Carmo da Silva hatete, iha sesta bazika nee dala barak governu sempre koalia katak, governu ladiskrimina ema ida, tanba ninia natureza universal fahe ba ema hotu-hotu.

“Iha regulamentu iha nee ba katak, ezemplu teknikamente iha lista, mai husi ministeriu implementador, nee mak Ministeriu Estatal, tanba nee, osan neebe mak aloka mos hanesan ho lista neebe mak ami simu husi parte Estatal, tanba nee saida mak akontese iha terenu kestaun balun neebe mak alin sira foti dadaun nee katak, iha balun foin kaben no rejistu, foin iha fisa foun,” dehan nia.*

Reportajen: Jacinta Sequeira/Madalena Horta
Editora: Carme Ximenes

LEAVE A REPLY

Please enter your comment!
Please enter your name here