Lista Benifisiariu Lahamenus

Lista benifisiariu neebe atu simu aihan sesta bazika sei lahamenus, tanba naran sira nee mai husi Aldeia no Suku. (Foto: STL/Madalena Horta)

DILI, STLNEWS.co – Lista benifisiariu neebe atu simu aihan sesta bazika sei lahamenus, tanba naran sira nee mai husi Aldeia no Suku.

Dehan Ministru Koordenador Asuntu Ekonomiku (MCAE), Joaquim Amaral ba jornalista, iha Salaun Joao Paulo II Comoro, Dili, Segunda (25/01/2021).

“Hau hanoin ida nee kazu pur kazu neebe mak ita trata, atu hatete deit katak ema nian naran neebe mak iha lista, nee sei lahamenus. Konaba reklamantes hau seidauk hetan informasaun ida nee, bele husu ba MTCI tanba programa nee MTCI nian,” dehan MCAE Joaquim.

Nia hatutan, governu nia mensajen mak nee, laiha ema ida hapara programa governu, neebe mak hatur iha lei, tanba sei atu hapara iha nia prosesu.

“Kada distribuisaun ita tau meza reklamasaun, para ema hotu bele uza ninia direitu,” dehan Ministru Joaquim.

Governante nee afirma, karik iha tratamentu neebe mak la justu iha prosesu distribuisaun, bele aprejenta iha meza reklamasaun, maibe atu hapara programa nee asuntu ketak ida, tanba programa nee bazeia ba lei mak bele hapara programa.

Iha fatin seluk Ministru Administrasaun Estatal (MAE), Miguel Pereira de Carvalho hatete, lista nee mai husi aldeia no suku, depois tama iha postu no mai too iha Munisipiu, lista nee mai husi aldeia, tanba lista nee rejista bazeia ba fisa da familia, agora fisa da familia nee, kada individu ida-idak mak ba too iha aldeia, para atu rejista membru familia sira no xefe suku sira bazea lista neebe mai husi aldeia.*

Reportajen: Jacinta Sequeira/Madalena Horta
Editora: Carme Ximenes

LEAVE A REPLY

Please enter your comment!
Please enter your name here