Luis Nia Rendimentu Kiik, Maibe Ezijensia Nesesidade Uma Laran Boot

DILI, STLNEWS.co – Rendimentu depende ba estudante sira, tanba nee bainhira sira feriadu rendimentu mos laiha, maibe ezijensia nesesidade uma laran la hanesan ho rendimentu neebe iha, susar atu hadia ekonomia familia.

Tuir Luis Menezes Tilman hanesan negosiante neebe faan maskara ho pulsa iha Kampus Universidade Nasional Timor Lorosae (UNTL) no Parlamentu Nasional (PN) nia oin hatete, durante estabelese Konfinamentu Obrigatoriu(KO) nia halo atividade husi dader to’o kalan laiha rendimentu, kompara ho antes estudante UNTL sira sei eskola nee hetan rendimentu diak hodi ajuda ekonomia familia, maibe hafoin Covid-19 rendimentu difisil.

“Hau faan sigaru, pulsa ho maskara hahu husi dader to’o kalan, ema sosa mak pulsa, maibe maskara  ema la sosa, no pulsa  ema sosa deit US$ 3 ou US$ 4, osan sira nee lori ba sosa hahan mos la to’o,” kestaun nee negosiante Luis haktuir ba  STL Segunda (06/09/2021) iha Kampus UNTL nia oin.

Nia afirma liu tan, seidauk KO iha Dili laran rendimentu diak, tanba estudante sira barak mak mai sosa pulsa, no maskara, maibe KO halo eskola feriadu rendimentu mos laiha.

Tuir negosiante nee katak, rendimentu husi pulsa nee ladun barak, hola US$ 10 dolar nia funan 0.50 sentavos deit, agora KO ema la sosa susar tebes ba han- hemu familia nian.

“Triste tanba ita halo negosiu la hetan rendimentu neebe sufisiente, serake ezijensia uma laran barak tebes, dader ita tenke hola matabisu ba feen ho oan sira, meudia hola modo, no kalan hola modo, serake osan rahun neebe ita mai haknaok iha dalan ibun nee la sufisiente ba ekonomia familia,” dehan negosiate nee ho triste.

Iha fatin hanesan Deputadu Domingos de Carvalho hatutan, estabelese KO hodi sulan povu iha uma, maibe la kria kondisaun ba moris familia, lolos tenke identifika didiak povu neebe kbiit laek tenke apoiu netik aihan ruma ba sira hodi augenta iha situasaun difisil nee.

“Governu hatene sulan povu deit, maibe la hatene atu fo apoiu liu – liu halo identifikasaun ba povu kbiit laek sira nee, sira nia ekonomia uma laran oinsa, karik la sufisiente medidas saida mak governu foti hodi fo tulun ba ema sira nee,” dehan nia.*

Reportajen: Madalena Horta/Domingas Soares

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 23 Setembru: Kazu Pozitivu 58, Rekuperadu 148 & Obitu 1

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 58, i kazu rekuperadu ohin loron 148 no obitu nain...

Vasinasaun Dalan Seguru, Normaliza Situasaun

DILI, STLNEWS.co – Vasinasaun mak dalan seguru hodi normaliza situasaun, no hasae imunidade forte atu prevene Covid-19. Kestaun nee haktuir husi Ministru Ensinu Superior Siensia...

Finalista ICS 292 Simu Graduasaun

DILI, STLNEWS.co – Institutu Ciencia Saude (ICS), ohin halao graduasaun ba finalista hamutuk 292, kompostu husi fakuldade 4 mak hanesan, Fakuldade Enfarmajen, Farmasia, Parteira...
%d bloggers like this: