MAE Reabilita Sede Suku Hotu Iha TL

Ministeriu Administrasaun Estatal (MAE), Miguel Pereira Carvalho. (Dok. STL)

BAUCAU, STLNEWS.co – Ministru Adminstrasaun Estatal (MAE) iha planu katak iha tinan 2021 seo rehablita sede suku hotu neebe mak iha timor laran tomak.

Ministru Adminstrasaun Estatal (MAE) Miguel Perreira de Carvalho hatoo kestaun nee liu husi diskursu bainhira hatan preokupasaun komunidade sira nia liu husi perguntas dialogu aberta iha munisipiu Baucau, Sesta (18/12/2020).

“Iha tinan oin, ita sei halo reabilitasaun ba sedesuku hotu iha Timor laran tomak nee hamutuk 250, purtantu nee hanesan esforsu ida neebe mak governu halo para bele rekonese suku, enkuantu hanesan asosiasaun komunitariu para apoiu servisu administrasaun komunidade nian,” dehan MAE.

Ministru hatutan Tinan nee sei reabilita sede suku 23, tinan oin reabilita 11, tanba nee iha munisípiu Baukau sei reabilita sede suku hamutuk 34.

Entretantu preokupasaun seluk neebe autoriedade lokal sira hatoo kona-ba atu aumenta orsamentu ba Planu Nasional Dezenvolvimentu Suku (PNDS) nee governu rejista. Tanba too agora, governu TL halo ona despeza tokon $5 ba munisípiu Baukau.

“Halo projeitu PNDS iha munisípiu Baukau nee purvolta 176 projeitu, tanba nee iha tinan oin, PNDS sei implementa iha suku 26 ho total orsamentu tokon $1.3, tanba suku sira neebe iha munisípiu Venilale, Bagui no Vemasse, PNDS sei tama iha imi-nia suku, maibe so osan iha rihun $50 deit ba kada suku, entaun ita husu para aumenta oituan ba rihun $6 ka rihun $150,” nia dehan.

Iha biban nee MAE mos hatutan iha tinan oin sei harii mos uma kbiit lae hamutuk 177 iha munusipiu baucau.

“Kona-ba uma ba kbiit laek sira, MAE koalia ona katak atu halo um aba kbiit laek sira iha TL tomak ho totál rihun 1.772, entaun atu hatete deit katak iha tinan oin, bazeia ba aprovasaun OJE 2021 nian, mak iha Baukau ita sei halo uma ba kbiit laek hamutuk 177, iha postu neen munisípiu Baukau, ho total orsamentu besik tokon $3.2,” dehan Ministru.

Reportajen: Emerenciana Pinto
Editor: Ekipa STL

LEAVE A REPLY

Please enter your comment!
Please enter your name here