MAP – Agrikultura Kuda Hare Rihun 24 Hektares

DILI, STLNEWS.co – Tinan ida nee governu liu husi Ministeriu Agrikultura e Peska (MAP), koopera hamutuk ho povu agrikultur sira kuda ona hare kuaze rihun 24 hektares, maibe balun hetan estragus husi inundasaun, nee ba primeiru epoka nian.

“Hau hanoin liu husi natar hektares hirak neebe maka ita iha nee bele hetan netik hare kulit too 84 mill toneladas ba primeiru epoka nian, no fos karik ita bele hetan netik 50 ital toneladas, tan nee tinan ida nia laran produs dala rua maka, fiar katak bele halo redusaun ba fos importasaun husi rai liur,” kestaun nee fo sai husi Ministru Agrikultura e Peska (MAP) Pedro dos Reis iha Colmera, Tersa (15/06/2021) hafoin halo lansamentu ba produtu exportasaun.

Nia afirma liu tan, governu nafatin halo esforsu hamutuk ho povu agrikultura iha baze atu nunee bele hasae produsaun agrikula iha rai laran, hodi redus importasaun rai liur.

Iha parte seluk reprezentante povu iha uma fukun Parlamentu Nasional Deputadu Gabriel Soares hateten, espetativa governu nian atu hasae produsaun agrikula iha rai laran, maibe governu rasik la fo importansia ba irigasaun sira neebe aat, hanesan akontese iha Manatuto Vila, irigasaun aas halo agrikultur sira nia natar sai maran hanesan dut maran, oinsa atu garante produsaun rai laran.

“Ita nia agrikultur sira iha baze prontu atu halo natar, maibe problema neebe sira hasoru maka bee, no irigasaun atu fornese bee ba natar hetan estragus hotu husi kalamidade neebe foin dadauk akontese no seidauk hadia husi governu,” dehan nia.*

Reportajen: Madalena Horta
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 20 Outubru: Kazu Foun Hamutuk 16

DILI, STLNEWS.co - Ohin loron Sentru Integradu Jestaun Krize (SIJK) rejistu kazu foun hamutuk 16, iha Dili 14 no munisipiu seluk iha nain 2. "Kazu...

Membru F-FDTL Foun Ida Halai Lakon

DILI, STLNEWS.co - Membru foun FALINTIL Forsa Defeza Timor Leste (F-FDTL) ida ohin halai lakon iha sentru formasaun Metinaro tanba la augenta ho instrusaun...

Maromak La Dukur Ba Nia Ema

DILI, STLNEWS.co - Maromak mak iha kbiit tomak sempre akompanha ema hotu iha tempu saida deit no nunka dukur ba ema, tanba ne'e presiza...