MAP – FAO Identifika Suku 3 Afetadu Malnutrisaun

DILI, STLNEWS.co – Ministeriu Agrikultura e Peskas (MAP) servisu hamutuk ho Food and Agriculture Organization of the United Nations (FAO), nomos ministeriu relevante identifika suku pilotu tolu (3) hodi implementa asaun integradu hodi aselera progresu hamlaha no malnutrisaun iha Timor Leste (TL).

Diretor Jeral Kooperasaun Dezenvolvimentu Instituisional, César Jose da Cruz, ba jornalista sira Sesta (25/06/2021) hateten, Ministeriu Agrikultura e Peskas (MAP) liu husi Konsellu Nasional Seguransa Alimentar Timor Leste (KONSANTIL), koopera hamutuk ho parte relevante sira identifika suku sira neebe vulneravel no presiza duni asistensia. Suku tolu (3) neebe vulneravel liu maka hanesan Suku Daudu iha Munisipiu Bobonaro, Suku Fahi Nehan iha Munisipiu Manufahi, no Suku Aifasa iha Baucau.

“Hafoin halo survey identifika katak suku tolu nee presiza duni asistensia, tanba suku tolu nee sofre hamlaha no malnutrisaun, no suku tolu nee sai hanesan baze ida, atu nunee ita bele hare programa nee ba iha teritoriu tomak,” dehan nia.

Nia afirma liu tan, agora governu ho parte relevante sira hahu halo identifikasaun, tanba nee suku tolu (3) neebe identifikadu ona nee, sai hanesan album ka referensia ba suku hotu hotu, no orsamentu ba realizasaun programa nee mai husi FAO neebe servisu hamutuk ho MAP, liu liu KONSANTIL ho durasaun tinan rua.

Iha fatin hanesan reprezentante FAO, Paula Lopes da Cruz hateten, projetu ida nee foka ba nutrisaun no seguransa alimentar, tanba iha TL taxa seguransa alimentar no mal nutrisaun sei aas tebes, no populasaun iha TL 40 resin maka menus aihan ka seidauk asesu diak ba hahan neebe iha nutrisaun diak, no labarik barak sofre malnutrisaun.

“Labarik sira maka futuru nasaun nian, maibe haree ba realidade neebe iha labarik barak maka malnutrisaun, tan nee liu husi projetu ida nee ita fo importansia,” dehan reprezentante FAO nee.

Nia katak, iha tinan 2016 – 2017 suku tolu nee maka iha kondisaun grave liu entermus de seguransa alimentar no nutrisaun, tanba suku tolu (3) nee iha area remotas tebes.*

Reportajen: Madalena Horta
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Covid-19 Update (29 Jullu 2021): Numeru Pozitivu Kontinua Aas Iha Ermera

DILI, STLNEWS.co - Loron Kinta (29/07/ 2021), Centru Integradu Gestão de Crises, Sala Situação (CIGC-SS / SS-SIJK) rejistu tan kazu konfirmadu pozitivu Covid-19 hamutuk...

Nobel da Paz Prepara Materia Ba Ezame

DILI, STLNEWS.co - Eskola Ensinu Sekundariu Nobel da Paz, prepara ona materia ba estudante sira, atu tuir ezame segundu periodu ano letivu 2021, neebe...

IFFS Reativa Aula Prezensial

DILI, STLNEWS.co - Reitor Instituto Filosofico Sao Francisco de Sales (IFFS), Pe. Manuel Pinto hatete, reativa aula prosesu aprendizajen, tanba lakon tempu barak ona...
%d bloggers like this: