MAP Tenki Hanorin Komunidade Diversifika Produtu Seluk Husi Kafe

DILI, STLNEWS.co – Kadalak Sulimutu Institute (KSI) husu tekniku Ministeriu Agrikultura i Peska (MAP) liu-liu diresaun neebe tau matan ba kafe, hodi bele hanorin komunidade sira diversifika produtu seluk husi kafe, hanesan maek no produtu neebe iha valor ekonomiku.

Lia hirak nee hatoo husi Diretor Kadalak Sulimutu Intitute (KSI), Jenito Santana katak, komunidade husi Munisipiu Ermera barak mak hetan rendimentu husi produtu kafe.

“Ita sujere atu tekniku agrikultura nee tenki iha mudansa, atu oinsa mak labele depende deit ba kafe, prepara mos produtu seluk, nunee bainhira kafe folin tuun, uza fali produtu seluk hodi taka kafe ninia folin nee, nunee ekonomikamente sira labele lakon rua nee hotu,” dehan nia ba STL liu husi telefone, Tersa nee (26/07/2022).

Nia hatutan, parte relevante tenki haree atu garante oinsa mak komunidade sira iha ai haan natoon para sira bele konsumu, tanba kafe labele haan deit, maibe faan kafe hodi hola fali ai haan seluk, tanba nee bainhira kafe la folin sira tenki kuda produtu seluk.

Iha fatin ketak, juventude voluntariu observador kafe, Julio Lopez husi Ermera hatete, daudaun nee ho folin neebe tuun, agrikultor barak buka alternativu hodi kuda maek.

“Laos iha tinan hirak ba kotuk mak sira kuda maek, maibe agora mos sira kuda hela, tanba folin maek nee diak liu fali, neebe sira ladun preokupa atu dezenvolve kafe,” hatete nia.

Nia hatutan, folin kafe daudaun nee iha merkadu kilo ida US$ 1.25 centavus.

(san)

LEAVE A REPLY

Please enter your comment!
Please enter your name here

NEWS UPDATE

Semana Oin Ekipa Konjunta Sei Buska Kompanhia Neebe Seidauk Selu Arendamentu

DILI, STLNEWS.co - Ministru Justisa, Tiago Amaral Sarmento hatete, iha semana oin ekipa konjunta sei halo buska ba kompanhia sira neebe seidauk selu arendamentu...

Inagura Sede Foun, Maibe Fasilidade Laiha

DILI, STLNEWS.co - Xefi Suku Akadiru Hun, Juvenal da Conceição hatete, nia parte kontenti ba efidisiu foun sede nian neebé inagura ona, maibe fasilidade...

Estabelese Tribunal Supremu, Kompleta Prosedimentu

DILI, STLNEWS.co - Jurista Timor oan konsidera, importante estabelese Tribunal Supremu Justisa atu kompleta prosedimentu prosesual. "Supremu tribunal ba justisa importante tebes, portantu ita presiza...