Maskara Xina Domina, Suku La folin

DILI, STLNEWS – Maluk defisiente sira neebe durante nee halao atividade ka suku maskara iha Fundasaun Ahi Saun sente triste, tanba la hetan rendimentu.

Kestaun nee fo sai husi treinador suku iha Fundasaun Ahi Saun, Fatuhada, Cecilia Assuncao ba STL, Tersa nee (14/09/2021) iha nia knaar fatin Ahi Saun, Fatuhada.

“Uluk Covid-19 foin tama mai Timor Leste, ami nia maskara folin tebes, tanba maskara neebe faan iha Xina ladun barak, tanba nee fo rendimentu diak ba ami, maibe agora, ami la hetan rendimentu tanba Xina nia maskara barak no folin mesak baratu, nunee ami nian ema la sosa, rendimentu mos laiha,” dehan nia.

Nia katak, agora maskara neebe sira suku la folin ona, tanba stok mos menus, kada loron suku deit maskara 30 mai karaik, suku barak ba mos ema atu sosa laiha, maibe Ahi Saun nafatin koopera ho maluk sira iha warun no restorante sira nee, atu ajuda faan fodik maskara neebe sira suku, tanba nee hotu mak ema kontaktu mai, ekipa ba foti osan, maibe lori tempu fulan rua liu mak foin hotu, nee mak stok mos redus.

Iha parte seluk, Antonio da Costa neebe faan maskara iha Timor Plaza hatutan, ikus – ikus nee rendimentu laiha, tanba ema halo movimentu ba mai, barak mak la uza ona maskara no balun uza, maibe sira lori kedas husi uma.

“Hanesan povu kiik sente triste tanba laiha rendimentu, maskara neebe ami faan loron ida ema hola ida ka rua deit, no maskara nia folin baratu, ida ami faan ba 0.25 centavos, karik ohin loron ema hola deit rua 0.50 centavos, osan nee la sufisiente ba ekonomia familia,” dehan nia.*

Reportajen: Madalena Horta/Jacinta Sequira

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL Setembru: Kazu Pozitivu 32 & Rekuperadu 83

DILI, STLNEWS.co - Sentru Integradu Jestaun Krize (SIJK) ohin relata kazu pozitivu iha ema nain 32 no rekuperadu hamutuk 117. "Kazu detetadu foun neebe relata ohin loron...

MTKI Loke Kompetisaun Pintura

DILI, STLNEWS.co - Ministeriu Turizmu Komersiu no Industria (MTKI), liu husi Diresaun Nasional Emprendismo ba Atividade Produtus Turistiku organiza kompetisaun pintura ba joven sira. Grupu...

Remata Nia Misaun Iha TL, Sitorus Despedida Ho WNI

DILI, STLNEWS.co – Embaixador Indonezia ba Timor Leste (TL), Sahat Sitorus ho nia espoza Bintang Vera C. Sitanggang, neebe durante tinan 4 ho balun...
%d bloggers like this: