DILI, STLNEWS.co – Reprezentante povu iha uma fukun Parlamentu Nasional husu ba governu atu kontrola presu material konstrusaun iha merkadu rai laran, tanba presu sae no material balun laiha kualidade.
Lia hirak nee fo sai husi Deputada Helena Martins iha Parlamentu Nasional, Kuarta (09/08/2023).
“Ita nia povu preokupa tebes ho presu material konstrusaun neebe folin sae iha merkadu rai laran, folin sae tiha mak material nee laiha kualidade, besi fruzu lalais, kalen mos kuak lalais, signifika laiha kualidade, tan nee governu tenki haree,” dehan Deputada Bankada FRETILIN.
Nia afirma, presu neebe oras nee sae iha merkadu rai laran nee laos deit foos ho nesesidade baziku deit, maibe presu material konstrusaun mos sae, pois la kualidade.
(mad)
