MCAE Husu Distributor Distribui Fos Importasaun

Governu liu husi Ministeriu Koordenador Asuntu Ekonomia (MCAE), fo ona autorizasaun ba kompania Distributor sira atu, distribui mos fos importasaun, iha programa sesta bazika, tanba produsaun iha rai laran la sufisiente. (Foto: STL/Madalena Horta)

DILI, STLNEWS.co – Governu liu husi Ministeriu Koordenador Asuntu Ekonomia (MCAE), fo ona autorizasaun ba kompania Distributor sira atu, distribui mos fos importasaun, iha programa sesta bazika, tanba produsaun iha rai laran la sufisiente.

Liu husi intervista Ministru Koordenador asuntu Ekonomia (MCAE), Joaquim Amaral hatete, governu hasai ona despaisu ida ba kompania distributor sesta baziku sira, atu tau mos fos importasaun iha programa sesta baziku, tanba produsaun rai laran la sufisiente, no agora agrikultur sira foin hahu produs, tan nee programa sesta baziku atu labele macet maka, governu fo autorizasaun ba kompania distributor sira, atu hatama mos fos importasaun iha programa sesta baziku, laos fos lokal deit, maibe bele apoiu mos fos importasaun.

“Ami fo autorizasaun atu hatama mos fos importasaun iha programa sesta baziku nee, tanba iha fulan Janeru nia laran nee ita hare ba fos lokal komesa menus, no iha Munisipiu balun foin produs, karik ita hein deit fos lokal maka programa sesta baziku bele macet iha dala klaran, tan nee maka ami fo autorizasaun atu kompania Distributor sira, atu hatama mos fos importasaun iha programa sesta baziku,” dehan MCAE, Joaquim ba jornalista, iha Salaun Joao Paulo II Comoro, Segunda (25/01/2021).

Nia afirma autorizasaun Governu nian atu hatama fos iha programa nee, hanesan parte ida atu programa nee lao tuir kalendariu neebe determina tiha ona, karik hein tan ida povu foin kuda nee maka, programa sesta baziku nee hotu ona, maibe nia tempu distribui la hotu hela deit.*

Reportajen: Madalena Horta/Jacinta Sequira
Editora: Carme Ximenes

LEAVE A REPLY

Please enter your comment!
Please enter your name here