MEJD Apoiu Humanitariu Ba Estudante ES

DILI, STLNEWS.co – Ministru Edukasaun, Juventude, no Desportu (MEJD) Armindo Maia ho Vice Antonio Guterres no dirijentes edukasaun halo distribuisaun humanitariu iha NGO Mahon, hodi apoiu ba estudante nivel Ensinu Sekundariu (ES) sira.

“Ohin seremonia simples ida husi MEJD hamutuk ho Fundasaun Mahon no Sabeh, fo apoiu humanitariu ruma ba estudante sira hanesan fos, bimoli, supermi no inklui sasan seluk, atu nunee estudante sira neebe hela iha kost, liliu ba sira neebe husi munisipiu ka area remotas, pelus menus aguente netik durante semana tuir nee. Atu nunee sira bele halao sira nia knaar, neebe ohin reprezentante nain 50 estudante no sei iha tan balun lamarka prezensa,” hatete MEJD Armindo Maia ba jornalista sira iha Fundasaun Mahon, Bairo Pite, Sabado (29/05/2021).

Governante nee hatutan, apoiu humanitariu nee iha Dili deit, maibe laos estudante mai husi Dili, maibe mai husi munisipiu sira neebe sira eskola iha Dili.

“Iha munisipiu ami seidauk iha planu ruma maibe sira iha munisipiu nee, hau hanoin sira iha munisipiu iha produtu lokal, neebe sira poiu inan aman sira atu ajuda maibe sira iha Dili nee mak problema oituan,” nia tenik.

Nia relata, MEJD hetan lista estudante nivel ES husi uma Mahon total hamutuk ema nain 182.

Entretantu Prezidente Fundasaun Mahon (FM) Jose de Jesus hatete, FM identifika estudante sira neebe hela Kost iha Dili, neebe hasoru difikuldade tanba impaktu husi dezastre naturais no SS neebe kleur demais, entaun sira lahalo buat ida tanba eskola taka.

“Tanba nee maka liu husi programa apoiu estudante hela Kost iha Dili, ami apoiu aihan ba sira hodi nunee sira bele tahan fulan ida no semana balun hodi hein eskola loke fila fali no situasaun mos normal. Antes sira mai foti aihan hirak nee, ami rejistu uluk naran no loke sosial media ka online no balun mai foti formulariu direta, depois maka ami kontaktu sira mai simu apoiu aihan sira neebe mak Fundasaun Mahon ho MEJD, SABEH no CSEP, ami fahe ba estudante sira hodi bele tahan netik infrienta situasaun ida nee,” nia dehan.

Nia relata, estudante hahu husi nivel sekundariu no universidade hamutuk 250 resin maka simu tiha ona, aumenta ohin 50. Entaun 300 resin mak simu ona, sei hela tan 220, tanba total neebe maka FM identifika estudante neebe hela kost iha Dili no rejistu hamutuk 520.*

Reportajen: Blandina
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun; EP1

STLNEWS.co – Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun • EPISODE 1: Drama Kakaluk Ba Corona https://youtu.be/VQBkF8ES8GE • Mensagen Avo Ramos Horta https://youtu.be/YPnLzaLb43E Ministério...

Odete: Pasiente Kuarentena Tasi-Tolu La Konkorda Desizaun MS Haketak Feto & Mane

DILI, STLNEWS.co - Ministra Saude, Odete Maria Freitas Belo afirma, fatin izolamentu Tasi-tolu, Ministeriu Saude (MS) koko atu izola feto ketak no mane ketak,...

Joven Baucau Komesa Hakribi Violensia

BAUCAU, STLNEWS.co - Kazu sivil neebe mak sempre mosu la sai preokupasaun estabilidade seguransa Munisipiu Baucau nian, tanba joven barak komesa komesa hakribi violensia. Lia...
%d bloggers like this: