MEJD Distribui Material Ba Eskola 5

DILI, STLNEWS.co – Ministeriu Edukasaun, Juventude, no Desportu (MEJD), liu husi Diresaun Nasional Asaun Sosial Eskolar (DNASE), entrega material ba eskola hamutuk 5, neebe afeta inundasaun iha munisipiu Dili.

Diretor Nasional DNASE, Joaquim Martins hatete, eskola sira nee hetan estragus momentu akontese inundasaun iha loron 04 Abril 2021 afeta ba komunidade sira, sasan barak maka lakon no ema barak mate.

MEJD koopera ho Protesaun Sivil, Ministeriu Obras Publikas no parseiru sira oinsa ita bele limpeza eskola sira. Tanba nee mak tuir lolos limpeza hahu iha dia 10 Maiu, maibe SS no KO hatete katak labele halibur ema liu 10 pesoas, entaun labele realiza atividade ida nee.

“Ho ida nee mak ohin ita halibur hamutuk iha nee, husi MEJD atu entrega material ba eskola sira hanesan Tek Vok Hera, EBC Hera, Ensinu Sekundariu Jeral 5 de Maiu Becora, EBC Sergio Vieira de Melo, no ESJ 4 Setembru UNAMET Balide,” hatete Joaquim liu husi diskursu, wainhira entrega material sira iha MEJD Vila-Verde, Tersa (08/06/2021).

Nia dehan, EBC Manleuana hetan ona apoiu, entaun sira entrega material ba eskola sira neebe seidauk hetan fasilidade sira nee.

Total eskola neebe mak afeta inundasaun iha munisipiu Dili pur volta 26, maibe ita fahe ba grau aat naton iha eskola 2, maibe kondisaun diak no konsege bee tama hamutuk 8.

Iha fatin hanesan Diretor Jeral Finansas, Cecilia de Assis hatete, MEJD servisu hamutuk ho parseiru dezenvolvimentu sira liu-liu UNICEF apoiu netik material hanesan aisar, kanuru, no balde ba eskola sira neebe afeta ba inundasaun hanesan Tek Vok Hera, EBC Hera, ESJ 5 de Maiu Becora, ESJ 4 de Setembru UNAMET Balide.*

Reportajen: Blandina Mauno
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun; EP1

STLNEWS.co – Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun • EPISODE 1: Drama Kakaluk Ba Corona https://youtu.be/VQBkF8ES8GE • dr. Odete Maria Freitas Belo,...

TL Seidauk Tempu Ba Expo Dubai

DILI, STLNEWS.co - Timor Leste atu partisipa iha Expo Dubai, maibe haree ba situasaun agora povu sofre ba situasaun Covid-19 no kalamidade, tanba nee...

Akontesementu Meza PPN Rahun; MP Notifika Deputadu CNRT Nain 8

DILI, STLNEWS.co - Relasiona ho akontesementu meza Prezidente Parlamentu Nasional (PPN) rahun iha loron 18-19 Maiu 2020, Ministeriu Publiku (MP) fo ona karta notifikasaun...
%d bloggers like this: