Menus Komprador Iha Merkadu Taibessi

DILI, STLNEWS.co – Bainhira governu aplika konfinamentu obrigatoriu iha kapital Dili, komprador sira hahu menus sosa sasan iha merkadu Taibessi.

Julio Mendes Nunes hanesan komprador hatete, hanesan midia sira mos haree dadaun merkadu Taibessi bai-bain nakonu ho ema faan sasan no sosa sasan, maibe agora nee ema menus, tanba portaun boot neebe tama liu fatin nee taka metin no dalan ida deit mak ema bele tama sai sosa sasan.

“Ita boot sira mos haree, ema menus, bai-bain nee ema faan sasan mos barak no ema neebe mak mai sosa sasan mos barak, maibe bainhira ita nian governu aplika konfinamentu obrigatoriu iha kapital Dili, ema hotu kumpre no hakmatek deit iha uma, bainhira sai iha presiza ruma, depois ema sai atu sae saida, tanba transporte publiku para total labele halo sirkulasaun iha kapital Dili,” dehan Julio ba STL, iha merkadu Taibessi, Dili, Kinta (06/05/2021).

Nia sublina, ohin tesik mai iha dalan Polisia barak mak hamriik, hodi haree ema neebe mak la uza maskra, depois agora portaun boot nee taka, motor sira tenke para hotu iha liur, no ema tenke uza hotu maskra.

Entretantu, Mariana Martins hanesan negosiante hatete, governu nafatin aplika kofinamentu obrigatoriu, halo povu kiik sira book hotu la diak, modo mos laiha, tanba ema husi munisipiu labele tama mai iha kapital Dili, bain-bain modo nakonu, agora modo laiha, ema mos ladun mai sosa sasan, tanba kareta la halai.

Tuir observasaun STL iha terrenu Kinta ohin katak, modo iha merkadu Taibessi menus, komprador sira menus sosa sasan no ema tama sai tenke liu husi dalan ida deit.*

Reportajen: Jacinta Sequeira
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Komunidade Hakbesik An Ba Parte Saude Hodi Simu Vasina

DILI, STLNEWS.co - Komunidade aldeia hat iha Suku Zulo, Postu Administrativu Zumalai, Munisipiu Covalima hakbesik aan ona ba saude hodi simu vasina doze primeiru...

ETDA Rejistu Estudantes 670

DILI, STLNEWS.co - Hahu iha fulan Janeiru too fulan Fevereiru 2021, sentru formasaun East Timor Development Agency (ETDA) rejistu estudantes hamutuk 670, maibe ema...

MAP – FAO Identifika Suku 3 Afetadu Malnutrisaun

DILI, STLNEWS.co - Ministeriu Agrikultura e Peskas (MAP) servisu hamutuk ho Food and Agriculture Organization of the United Nations (FAO), nomos ministeriu relevante identifika...
%d bloggers like this: