Merkadu Taibesi Kontinua Rame

DILI, STLNEWS.co – Merkadu Taibesi kontinua rame, tanba negosiante sira kontinua faan sira nian sasan, maibe konsumedor menus.

Ba STL, Feliciano de Jesus, hanesan negosiante iha merkadu Taibesi hatete, maske iha faze estadu emerjensia nian laran, atividades iha merkadu Taibesi lao hanesan bai-bain, tanba negosiante sira kontinua faan sira nian produtu lokal, maibe sira kontinua uza maskra no fase liman nafatin. Tanba parte husi PNTL no saude nian fo avizu nafatin ba sira, para uza maskra nafatin.

“Dala ruma ami neebe mak faan sasan iha liur nee, tempu udan difikulta tebes ami, tanba iha laran nee ema ida-idak nian fatin. Ami mak faan deit iha liur, depois ita nian konsumedor sira mos la hanesan uluk kada loron ema barak mak mai sosa sasan iha merkadu ida nee, maibe agora nee menus liu. Ema la hanesan uluk mai sosa sasan, dala ruma ema tauk ho virus corona. Ami nian rendimentu nee menus, uluk loron ida ami bele hetan too $40 dolar ba leten, agora susar atu hetan deit $20 loron ida mos araska, tanba ema faan mak barak liu duke ema mai sosa,” tenik nia iha Merkadu Taibesi, Tersa (02/02/2021).

Nia dehan, maske rendimentu kada loron menus, maibe sira kontinua faan nafatin sira nian sasan, tanba modo sira neebe mak sira faan, sira sosa tutan husi maluk sira husi foho mak lori mai faan ba sira sosa.

Nunee mos Joaquim da Costa, hanesan negosiante hatete, modo sira neebe mak nia faan sosa iha Maubisse, lori mai faan fali iha merkadu Taibessi.

“Hau ba sosa tiha iha Maubessi,depois mai faan fali iha merkadu Taibessi, tanba ami mos sosa husi dok mak mai faan fali iha nee, ita selu tan kareta, maibe ita tenke konta hotu ida nee, para mai faan mos tuir ida nee,” nia afirma.

Nia dehan, se modo sira nee lori mai faan mak ema sosa hotu, kada semana ida sira ba sosa modo dala rua, maibe depende ba ema sosa lalais liu, entaun semana ida ba dala rua, se lae semana ida ba dala ida deit.

Tuir observasaun STL iha terenu tersa nee katak, negosiante sira nafatin halo sira nian atividades negosiu hanesan bai-bain, no sira uza maskra, maibe balun deit mak uza, no balun la uza nafatin.*

Reportajen: Jacinta Sequeira
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Kondutor Kestiona Ema Menus Sosa Rai Henek

DILI, STLNEWS.co - Kondutor hirak neebe lori kareta baskulante, neebe iha area Fomentu, sira kestiona kada loron ema sosa rai henek menus hela deit. "Kada...

Krime VD No Kontra Bandu Aas Iha TDS

DILI, STLNEWS.co - Tribunal Distrital Suai, rejistu krime neebe kada loron julga barak liu maka krime violensia domestika (VD) ho forma ofensa integridade fisika...

Konfinamentu Domisiliariu, Misa Kontinua Suspende

DILI, STLNEWS.co - Reuniaun Konsellu Ministru neebe mak foin lalais deside atu hanaruk konfinamentu domisiliariu, nunee husi Arquidiocese Metropolitana Dili Dom Virgilio Do Carmo...
%d bloggers like this: