MF Aprova CPV Cesta Basica Montante Millaun $32,2

DILI, STLNEWS.co – Ministeriu Finansas (MF) liu husi Sekretariadu Tekniku Fundu Covid-19 (STFC) kria ona Commitment Payment Voucher (CPV) no Purchase Requisition (PR) foun Cesta Basica ho montante millaun $32,2 husi kompana lokal hamutuk 108.

Liu huis komunikadu imprensa neebe STL simu katak, iha loron 23/06/2021 nee, CPV, PR foun no kompania 108 nee, nia detalla mak hanesan:
(i) MTCI iha CPV 67 ho montante millaun $21,3
(ii) SEKoop iha CPV 17 ho montante millaun $7,9
(iii) MAP iha CPV 24 ho montante millaun $2,9.

Hafoin hetan aprovasaun, STFC haruka fila-fali ona CPV no PR foun 108 nee ba MTCI, SEKoop no MAP atu hahú prosesu aprovizionamentu interna hanesan kria Purchase Order, Contract Management, Inspection, Normal Payment, Payment Request Tracking no Expense Voucher. Ministeriu Implementadór hirak nee ms sei prepara pedidu pagamentu hodi submete fila-fali mai STFC tan nee Prosesu normal masimu loron-lima nia laran.

Hafoin konklui prosesu aprovizionamentu interna, Ministeriu implementador sira tenke verifika uluk dokumentu hirak nee atu asegura katak dokumentu hirak nee kompletu, loos no priense ona rekezitus pagamentu molok submete ba STFC.

STFC, hafoin simu ona pedidu pagamentu husi Ministeriu implementador sira, sei prosesa dokumentu sira hotu no sei realiza pagamentu ba pedidu pagamentu hirak neebe mak prienxe ona rekezitus pagamentu. Ba pedidu pagamentu neebe mak la-priense rekezitus pagamentu, STFC sei devolve ba Ministeriu implementador sira hodi kompleta no submete fila-fali.

Maibe, molok STFC realiza pagamentu, kompaña sira hotu tenke kumpre sira nia dever hodi ba selu sira nia impostu rendimentu (income tax) 0,5% husi sira nia total pagamentu. Kompana sira tenke aprezenta sira nia resibu pagamentu impostu rendimentu ba STFC atu nunee bele realiza pagamentu final.

Karik kompana fornesedor sira iha pergunta ruma ka presiza informasaun liutan kona-ba asuntu impostu, bele kontaktu Autoridade Tributaria (AT) ka vizita portal AT hodi hetan informasaun kona-ba:
(i) pagamentu impostu
(ii) submisaun relatoriu mensal/anual
(iii) pedidu emisaun ba Certidão de Dividas

Pagamentu impostu mós bele halo liuhusi mákina ATM P24 no kontribuinte sira la-presiza ba forma tan iha banku komersiál sira hanesan uluk.

Ba Sentru Lojístiku Nasional, sira nia CPV sei iha hela prosesu verifikasaun dokumentus. Bainhira hetan ona aprovasaun, STFC sei haruka fila-fali ba CLN hodi hahú prosesu aprovizionamentu interna.

STFC komprometidu atu kontinua serbisu hamutuk ho Ministeriu Implementador sira hodi konklui pagamentu programa Cesta Basica. Iha OJE Retifikativu 2021, iha Fundu Covid-19 neebe uluk ho montante millaun $31, hetan ona reforsu millaun $256,6 nunee ninia total hamutuk millaun $287,6. Aumentu iha dotasaun Fundu Covid-19 neee, fo biban ba Governu hodi aloka tan millaun $31 atu konklui pagamentu programa Cesta Basica.

Husi 19 marsu too iha 31 Maiu 2021, MF realiza ona pagamentu Cesta Basica ho valor millaun $27,6 ba kompana lokal 109. Kompana fornesedor Cesta Basica 109 nee mos kumpre sira nia dever hodi selu impostu rendimentu 0,5% husi sira nia total pagamentu ba Autoridade Tributaria, MF ho total kontribuisaun impostu hamutuk $138,3 mil.*

Reportajen: Madalena Horta
Editora: Josefa Parada

LEAVE A REPLY

Please enter your comment!
Please enter your name here

NEWS UPDATE

Covid-19 Update (29 Jullu 2021): Numeru Pozitivu Kontinua Aas Iha Ermera

DILI, STLNEWS.co - Loron Kinta (29/07/ 2021), Centru Integradu Gestão de Crises, Sala Situação (CIGC-SS / SS-SIJK) rejistu tan kazu konfirmadu pozitivu Covid-19 hamutuk...

Nobel da Paz Prepara Materia Ba Ezame

DILI, STLNEWS.co - Eskola Ensinu Sekundariu Nobel da Paz, prepara ona materia ba estudante sira, atu tuir ezame segundu periodu ano letivu 2021, neebe...

IFFS Reativa Aula Prezensial

DILI, STLNEWS.co - Reitor Instituto Filosofico Sao Francisco de Sales (IFFS), Pe. Manuel Pinto hatete, reativa aula prosesu aprendizajen, tanba lakon tempu barak ona...
%d bloggers like this: