MF-Kom. C Audensia Ba Konta Jeral Estadu 2019; IPG-ANPM Sei Integra Iha Tinan Oin

Vice Ministra Finansas, Sara Lobo. (Foto: STL/Domingas Soares)

DILI, STLNEWS.co – Ministeriu Finansas (MF) halao audensia ho komisaun C Parlamentu Nasional (PN), trata asuntu finansas publika hodi koalia ba konta jeral estadu 2019.

Enkuantu iha audensia nee rekomenda IPG (Instutute do Petrolio e Geologia), ho ANPM (Autoridade Nacional do Petrolio e Minerais), sei hola parte iha OJE.

Informa Vice Ministra Finansas, Sara Lobo, katak, MF ohin halo audensia ho komisaun C, ralasiona ho konta jeral estadu 2019, neebe hanesan ajenda bain-bain PN nian molok atu tama ba plenaria komisaun C realiza audensia ho entidade lubuk ida.

Neebe ohin ho MF maibe hanesan akompana semana kotuk kamara de kontas mai ona iha komisaun C.

“Ita hotu hatene bainhira orsamentu ida aprova governu ezekuta depois governu iha responsabilidade atu hatama fali nia relatoriu. Neebe relatoriu neebe husi MF liu husi diresaun tejoru prepara haruka mai PN iha dia 30 de Junnu 2020, MF haruka ba PN aumezmu tempu ba kamara de kontas i depois halo auditoria ba relatoriu nee, hasai nia paraser konaba relatoriu neebe mak Governu liu husu MF aprezenta”, informa nia Kuarta (03/02/2021) iha PN.

Nia esplika, husi relatoriu nee iha rekomendasaun balu para atu bele hadia relatoriu sira tuir mai, no mos hadia ezekusaun, no iha utilizasaun osan publiku, maibe tuir mai iha publiku.

Enkuantu kona ba nia ezekusaun orsamentu ba tinan 2019, 84%, kompara ho 2018, ezekuta kuaze 91%.

Nia informa, iha audensia nee pergunta iha 2 hatoo katak iha IPG ho ANPM too agora seidauk tama iha orsamentu jeral estadu no mos relatoriu la konsolida ho orsamentu jeral estadu, nee rekomendasaun atu iha 2022 bele integra ona instituisaun 2 nee mai iha orsamentu jeral estadu.

“Kona ba IPG ho ANPM momentu neeba iha planu atu integra ba OJE, maibe tempu neebe kloot la konsege konsolida. Neebe iha mos fator seluk bazeia ba sira nia estatutu, tanba bainhira hahu IPG sira define estatutu jere rasik, neebe hein deit atu IPG ho ANPM tinan oin sira tama hotu”, tenik Sara.

Liu-liu IPG neebe momentu neeba planu atu tama, maibe tanba momentu neeba MF tempu limitadu prepara ba orsamentu tinan 2 nian neebe lakosege, maibe fiar katak 2022 rua nee tama hotu maibe liu-liu IPG.

Nia afirma liu tan, momentu harii institutu rua nee sira iha estatutu rasik fo kompetensia ba sira atu sira jere sura nia osan rasik, entaun situasaun sira nee sei haree kompativel kalae? ANPM atu bele tama hotu iha OJE 2022 laiha komplikadu, maibe ba IPG nee klaru ona 2022 tama ona.

Laos nee deit maibe ida tan husu kamara de kontas kona ba relatoriu 2015 nian hatudu boot, maibe agora tama ona ba 2021 neebe tinan-tinan MF halo melloria atu redus levatamentu tanba ita hatene levantamentu boot nee bain-bain mai husi embaixada sira, neebe presiza mos atu hadia iha embaixada sira nian atu redus. Nee rekomendasaun neebe importante ohin hatoo.

Reportajen: Guilhermina Franco / Domingas Soares
Editor: Domingas Gomes

LEAVE A REPLY

Please enter your comment!
Please enter your name here