Mini Restaurante Oferese Hahan Ba Pasiente Covid-19

BAUCAU, STLNEWS.co – Mini restaurante Brotar da Agua prontu nafatin oferese hahan ba pasiente Covid-19 iha izolamentu, maske dadaun nee infrenta problema orsamentu.

Informasaun nee hatoo husi nain mini restaurante Brotar da Agua, João Leon Ximenes ba jornalista sira iha nia knaar fatin Bugati, Baucau, Kinta (20/05/2021).

Nia hateten, atendementu ba pasiente pozitivu Covid-19 iha izolamentu kada loron gasta osan dolar atus haat ($400) ba ai-han. Montante orsamentu nee hasai husi kofre mini restaurante nian neebe durante nee rai hamutuk, uza osan hirak nee hodi jere ba sosa ai-han, tein ba pasiente atus ida resin iha izolamentu durante fulan ida resin ona.

“Husi mini restaurante Brotar da Agua, hau nia nesesidade no kapasidade primeiru konaba orsamentu tanba loron ida mais ou menus ita tenke hasai $300 ou $400, tamba atende ema neebe pozitivu Covid-19 iha sala izolametu nee atus ida resin (100),” dehan nia.

João hatutan, maske defikulta iha orsamentu, maibe kontinua atende pasiente sira tuir orariu neebe Sentru Integradu Jestaun Krize estabelese ona mak hanesan matabisu, han meudia, no han kalan.

Nia esplika durante oferese ai-han hahu husi inisiu too agora seidauk iha dezentendimentu entre pasiente ho nain husi mini restaurante konaba menu neebe durante nee oferese, maske mosu dezentendementu konaba fatin tau etu (nasi kotak) maibe konsege resolve ona.

Tuir informasaun nain mini restaurante, informa kada pasiente loron ida han ai-han ho folin dolar sanulu resin rua ($12), kompostu matabisu dolar rua, han meudia dolar lima, no han kalan dolar lima.*

Reportajen: Mj-1
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Harii Federasaun Tenke Prepara Kondisaun

DILI, STLNEWS.co - Sekretariu Estadu Juventude No Desportu (SEJD), hatete harii federasaun tenke prepara mos kondisaun hanesan tenke iha atleta no treinador rasik. Lia hirak...

SEJD Enkontru Ho Lider Artemarsiais

DILI, STLNEWS.co - Sekretariu Estadu Juventude no Desportu (SEJD), halao enkontru ho lider artemarsiais sira iha Timor Leste, kona ba rekezitus artemarsiais nian neebe...

Lori Maromak Nia Domin Ba Ema Hotu

DILI, STLNEWS.co - Nuudar sarani neebe diak iha moris, tenke sai valeta ba ema hotu, atu lori Maromak nia grasa no domin ba maun...
%d bloggers like this: