MOP Prepara Ezekusaun OJE 2021

Ministru Obras Publikas (MOP) Salvador Pires. (Foto: STL/Alberto Menezes)

DILI, STLNEWS.co – Ministeriu Obras Publiku halao enkontru ho Diresaun no Instituisaun Autonomu neebe Tutela iha MOP, hodi halo preparativus ba ezekusaun Orsamentu Jeral Estadu (OJE) 2021.

Ministeriu Obras Publiku, Salvador Pires hatete, relasiona ho Orsamentu Jeral Estadu neebe Prezidente Republika promulga ona iha fulan Dezembru 2020 nomos foin dadaun, Konsellu Ministru aprova ona dekretu lei ba OJE 2021 nian.

“Ami nia enkontru ohin nee atu koalia kona ba preparativus tomak ho diresaun sira no mos instituisaun autonomu sira neebe tutela iha MOP, atu halo preparativus no mos halo avaliasaun ba ezekusaun iha 2021 nian, kona ba nia lakunas dezafius atu hadia no rezolve hodi fasilita ita hodi ezekuta ita nia OJE 2021 nian,” dehan nia ba jornalista, iha Salaun Novu Turizmu, Dili, Kinta (14/01/2021).

Nia dehan, OJE neebe aloka ba MOP hamutuk tokon $240 i tal, neebe maka presiza atu ezekuta no fahe mos ba orgaun autonomu no empreza publika 2 , hanesan EDTL neebe sai ona empreza publika, neebe foin dadaun hetan nomeasaun husi prezidente, no mos bee Timor Leste.

“Ita koalia konaba koordenasaun programa politika no saida maka ita planea tiha ona iha OJE 2021, hodi halo preparativus tomak, para atu bele ezekuta ho diak, atu nunee bele kontribui ba atinje programa governu nian, fazeadamente ita konsege ezekuta no ita komesa hahu planeamentu ba 2022 nian,” dehan nia.*

Reportajen: Santina Castro
Editora: Carme Ximenes

LEAVE A REPLY

Please enter your comment!
Please enter your name here