MOP Preve Tokon $105 ba Reabilitasaun Estrada Nasional no Rural

Ministru Obras Publikas (MOP) Salvador Pires. (Foto: STL/Alberto Menezes)

BAUCAU, STLNEWS.co – Ministeriu Obras Publika (MOP) preve tokon $105 hodi rehablitasaun ba Estrada nasional no rura.

Ministru Obras Publika (MOP) Salvadór Pires,hatoo kestaun nee ba jornalista iha munisipiu Baucau, Sesta (18/12/2020).

Ministru hatutan bazeia ba Orsamentu Jeral Estadu (OJE) tinan fiscal 2021 nian preve ona tokon $105 ba estrada hamutuk rihun 6 neen ba iha ona planu atu hadia.

“Kona-ba Estrada, ita-boot sira hatene katak Estrada iha teritoriu Timor-Leste tomak hamutuk rihun 6 resin, neebe estrada nasional ligasaun Baukau Lautem nee atinje ona pursentu 79%, Estrada ligasaun Baukau Vikeke atinje ona pursentu 17%,” dehan Ministru.

Ministru hatutan, estrada ba postu administrativu iha munsípiu Baukau kuaze lubuk ida mak tama ona iha planu. Estrada ligasaun Laga-Baguia, ponte Samalari, Laisorulai, Waikala tama ona iha planu, neebe bele implenta tanba estudu nee sei finaliza iha inísiu 2021 nian.

“Osan montante tomak ba estrada hotu nee tokon $105 ba fundu infraestrutura ba estrada, nee laos estrada municipal deit maibe projeitu ongoing, estrada urbanu no seluk tan neebe sei halo.” katak nia.

Governante nee dehan estrada rurais nee halo reabilitasaun periodika, hanesan ligasaun Venilale no Waioli mos tama hotu ona iha planu, neebe total 150 kilometru iha munisípiu Baucau.

Nia akrezenta liu tan katak estrada rural neebe dadaun halo reabilitasaun nee projeitu laos ILO nian, maibe nee governu Timor-Leste mak tau osan para halo reabilitasaun. Neebe ILO nee hetan fali servisu husi parseiru dezenvolvimentu TL nian hanesan Australia para halo kapasitasaun ba traballdór no ministériu rasik.(*)

Reportajen: Emerenciana Pinto
Editor: Ekipa STL

LEAVE A REPLY

Please enter your comment!
Please enter your name here