Movimentu Ro Tula Pasajeiru Oecuse-Atauro Normal

Prezidente APORTIL, Flavio Cardoso Neves. (Foto: Madalena Horta)

DILI, STLNEWS.co – Maske estadu hasai ona dekretu ida hodi halo lockdown ba Munisipiu tolu hanesan Bobonaro, Covalima no Oecusse, maibe movimentu ro tula pasajeiru husi Dili ba Oecusse no Atauro lao normal.

Liu husi intrevista Prezidente APORTIL, Flavio Cardoso Neves hatete, movimenta ema ho ro ba Oecusse sei lao hela, maibe karik aban bainrua maka governu halo lockdown hotu maka, operasaun ro mos sei la lao tan, maibe agora movimentu lao hela.

“Dekretu governu fo sai atu halo lockdown ba Bobonaro, Suai no Atauro, maibe munisipiu rua mak movimentu transporte la halai, maibe Oecusse ho Atauro atividade ema ho ro lao normal hela, maibe ita nafatin halo kontrola saude, ho nunee ema hotu bele prevene an husi pandemia surtu Covid-19,” dehan Presidente APORTIL Flavio Cardoso Neves ba jornalista, iha nia knaar fatin APORTIL, Kuarta (24/02/2021).

Nia afirma, agora dadaun ro Success maka halo operasaun, no Nakroma nia kondisaun aat hela tan nee presiza halo manutensaun, agora ro Success maka halo operasaun na Oecusse ho Atauro.

Tuir nia katak, roo neebe tula pasajeirus ba Oecusse ho Atauro nee numeru kiik, foin dadauk ba Oecusse tula deit ema nain 50 deit, halo komparasaun ho uluk ema sae ro antrian tebes, maibe agora tanba Covid halo movimentasaun ema ba mai naton deit, no tuir planu ro Nakroma ho Success sei ba halo hotu manutensaun iha liur, tan nee presiza ro subtitui ida hodi halo operasaun ba Oecusse ho Atauro.*

Reportajen: Madalena Horta/Jacinta Sequera
Editor: Ekipa STL

LEAVE A REPLY

Please enter your comment!
Please enter your name here