MTCI Simu Reklamante Ba Sesta Bazika Husi Fatin Hotu

Vice Koordenador Ekipa Distribuisaun Sesta Basika, Antoninho dos Santos Oliveira. (Foto: STL)

DILI, STLNEWS.co – Relasiona ho informasaun neebe mak espalha iha publiku katak komunidade neebe mak iha familia ida iha nain 10, maibe kuandu ba simu sesta bazika, kompanha neebe mak distribui sesta bazika koa sai naran balun, relasiona ho problema nee MTCI rekonese sira simu informasaun nee husi fatin barak, laos Loza W-Four deit.

Kestaun nee hatoo husi Vice Koordenador Ekipa Distribuisaun Sesta Basika, Antoninho dos Santos Oliveira ba STL, iha loja W-Four, Comoro, Tersa,(19/01/2021).

“Atu klarifika deit ami husi Ministeriu Turismo, Comersiu, no Industria atu klarifika deit problema ida nee laos iha fatin nee deit, maibe iha fatin hot-hotu fatin distribuisaun sesta basika.” dehan Antoninho.

Antonio hatutan investimento sesta bazika nee primeiru MTCI hanesan ministerio implementadora, tanba nee mak hetan deit dadus neebe mak husi estatal.

“MTCI hanesan ministeriu implementadora, tanba nee mak implementa deit dadus neebe mak hetan husi estatal, problema neebe mak infrenta iha meza distribuisaun hanesan fixa familia balun membru sanulu (10), maibe hasai nain rua nain tolu nee mos problema MTCI nia, failansu tekniku neebe hetan husi estatal rasik tamba dadus nee hetan mai husi nebaa.” katak nia.

Nia hatutan MTCI la iha dadus iha Timor laran tomak, nee estatal mak kaer dadus tanba nee mak MTCI so implementa deit buat neebe MTCI halo mos halao tuir deit dadus neebe husi estatal.*

Reportajen: EST V

Editor: Ekipa STL

LEAVE A REPLY

Please enter your comment!
Please enter your name here