DILI, STLNEWS.co – Ministeriu Turismu Komersiu no Industria (MTKI) distribui ona sesta bazika ba benefisiariu hamutuk 36.264 iha suku 4.
Liu husi komunikadu neebe mak STL hetan husi media MTKI Kuarta nee (27/07/2022) hatete, progresu distribuisaun sesta bazika neebe lansa husi MTKI, José Lucas do Carmo da Silva, hahu iha Aldeia Baia-Leste, Suku Komoro iha loron 17 fulan Jumhu tinan nee, too ohin loron distribui ona iha suku haat, hanesan Suku Poetete iha Munisípiu Ermera, Suku Ritabou iha Munisípiu Maliana no Suku Dato iha Munisípiu Likisa.
Komunikadu nee dehan, tuir dadus populasaun sira neebe mak benefisia ona sesta bazika hanesan Komoro, iha Aldeia Baia-Leste, Fomento I-II-III, Naroman no Golgota hamutuk benefisiariu 14.665 husi uma kain 3.032 mak simu ona. Suku Poetete Munisípiu Ermera iha aldeia 12, total benefisiariu 11.768, husi uma kain 2.290. Suku Ritabou Munisípiu Bobonaro benefisiariu 3.352 husi uma kain 680 mak simu ona, no Suku Dato Munisípiu Likisa benefisiariu hamutuk 6.479 husi uma kain 1.482 mak simu ona sesta bazika.
Husi suku haat nee, Suku Poetete distribui husi Kompanhia Betuhei, Suku Ritabou husi Kompanha Bobolait, Kuku KomoroAaldeia Baia-Leste, Fomento I too III no, Aldeia Naroman no Golgota distribui husi Kompanha Leader Lda. no Suku Dato distribui husi Kompanhia Hanaroman Brilliant Lda.
Kontinua ba pajina 2
