NCBA Apoiu Kafe Uut Ba SEPS

DILI, STLNEWS.co – National Cooperative Timor-Leste (NCBA), servisu hamutuk ho Cooperative Cafe Timor (CCT), Sesta nee apoiu kafee uut 5 mill pakotes ba Sekretariu Estadu Protesaun Sivil (SEPS), hodi responde mos ba vitima dezastre naturais sira. Diretur CCT, Xisto Monis Pereira, hatoo kestaun nee ba jornalista sira iha SEPS Cacoli Dili Sesta (07/05/2021).

Nia dehan, sira fornese kafe uut nee ba SEPS hodi fornese hikas ba vitima dezastres naturais sira neebe akontese foin lalais, tanba sira hatene katak Timor-Leste nain ba kafe no hemu kafe diak tebes.

“Ohin nee ami hetan fundus 10 mill pakotes nee mais ohin nee ami lori 5 mill mai, hela 5 mill nee depois ami mai fali mak ami lori,” dehan nia.

Nia hatete, tanba iha fulan Marsu ho Abril nia laran nee sira direita ba apoiu mos iha Katedral, Madre sira iha Becora, Igreja Balide, Don Bosco, no ohin nee mak sira lori ofisial fo direita iha SEPS.

“Ami fornese kafe uut ba ita nia maluk sira neebe mak afedu ba dezastres nee, tanba ita hatene katak Timor nee hemu kafe diak, durante nee ami seidauk lori mai tanba ita hein plastik, plastik to mak ami lori mai koordena ho SEPS maka depois sira maka koloka,” dehan nia.

Iha fatin hanesan Sekretariu Estadu Protesaun Sivil, Joaquim Jose Gusmão dos Reis Martins hatete reativa sentru departasaun ba dezastre ida nee desde primeiru dia kedas, tanba nee sira husu atu apoiu hotu neebe mak atu fo ba komunidade sira neebe mak afetadu liu husi protesaun sivil, husi sentru ida nee atu bele ba loos iha komunidade sira.

“Ohin nee ita heta apoiu husi Nova Zelandia liu husi CCT, neebe mak apoiu ita kafe iha primeira faze nian ho 5 mill pakotes no segundu faze nian parese semana oin mai tan sira sei sei fo tan mai 10 mill pakotes,” dehan nia.

Nia hatutan, apoiu ida nee importante teb-tebes primeiru hatene katak, Timor preokupasaun nee sempre gosta hemu kafe, no mos iha pakote apoiu humanitariu neebe mak governu deside atu fo ba iha nia komunidade sira neebe mak afetadu.*

Reportajen: Efizenia da Costa
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Reativa Eskola Iha Baucau Sei Marka Audensia Ho MEJD

BAUCAU, STLNEWS.co - Diretor Servisu Munisipal Edukasaun, Juventude, no Desportu (SMEJD) Baucau, Segunda semana oin sei marka audensia ho Ministeriu Edukasaun, Juventude, no Despostu...

Komunidade Hakbesik An Ba Parte Saude Hodi Simu Vasina

DILI, STLNEWS.co - Komunidade aldeia hat iha Suku Zulo, Postu Administrativu Zumalai, Munisipiu Covalima hakbesik an ona ba saude hodi simu vasina doze primeiru...

ETDA Rejistu Estudantes 670

DILI, STLNEWS.co - Hahu iha fulan Janeiru too fulan Fevereiru 2021, sentru formasaun East Timor Development Agency (ETDA) rejistu estudantes hamutuk 670, maibe ema...
%d bloggers like this: