Negosiante Faan Nuu La hetan Rendimentu

DILI, STLNEWS.co – Governu estabelese Konfinamentu Obrigatoriu (KO) iha Kapital Dili hodi salva povu husi pandemia surtu Covid-19, maibe povu kiik hasoru problema, tanba la hetan rendimentu, liu – liu negosiante neebe faan nuu iha dalan ibun.

Ba STL Domingu nee (05/09/2021) iha Tasi Tolu Joanico Ximenes hatete, durante KO iha kapital Dili halo movimentu hotu sai paradu, tanba nee implika ba ema atu mai sosa nuu ka hemu nuu been, rendimentu laiha susar atu sustenta ekonomia familia. Dala ruma faan husi dader to’o kalan hetan deit dolar US$ 5  tun fali mai US$ 2, tanba nee halo komparasaun ho antes seidauk establese KO loron ida hetan US$ 10 dolar to’o US$ 20 i dala ruma liu ida nee.

“Durante estabelese KO iha kapital Dili fo impaktu ba ami nia rendimentu loron ida hetan deit US$ 2 ba to’o US$ 5, halo komparasaun ho antes loron ida ami hetan US$ 10 to’o US$ 20 ou bele liu ida nee, osan sira nee hodi sustenta moris no sosa hahan, maibe agora rendimentu kiik atu sosa foos karon ida mos la to’o,” dehan nia.

Nia afirma, uluk hetan rendimentu diak tanba movimentu ema nian rame tebes liu – liu loraik ema halo ezersisiu ba mai, nee sosa nuu mos barak, maibe agora governu sulan povu iha uma, ema foin sai ba halo ezersisiu polisia duni fila, tanba nee nuu mos la folin no ema la sosa.

Tuir observasaun STL nian iha terenu haree katak, negosiante nee tau nuu iha kareta roda tolu hodi lao ba to’o iha pontu entrada Tasi Tolu, fila mai terminal Tasi Tolu dala ruma inan isin rua sira para iha dalan hodi sosa, presu ba nuu fuan ida US$ 1.*

Reportajen: Madalena Horta

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 23 Setembru: Kazu Pozitivu 58, Rekuperadu 148 & Obitu 1

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 58, i kazu rekuperadu ohin loron 148 no obitu nain...

Vasinasaun Dalan Seguru, Normaliza Situasaun

DILI, STLNEWS.co – Vasinasaun mak dalan seguru hodi normaliza situasaun, no hasae imunidade forte atu prevene Covid-19. Kestaun nee haktuir husi Ministru Ensinu Superior Siensia...

Finalista ICS 292 Simu Graduasaun

DILI, STLNEWS.co – Institutu Ciencia Saude (ICS), ohin halao graduasaun ba finalista hamutuk 292, kompostu husi fakuldade 4 mak hanesan, Fakuldade Enfarmajen, Farmasia, Parteira...
%d bloggers like this: