Negosiante Preokupa Produtu La Folin

Negosiante Elizio de Almeida. (Foto: STL/Maria Tavares)

DILI, STLNEWS.co – Relasiona ho serka sanitaria neebe mak halao iha Munispiu Dili, negosiante balun neebe halao atividade negosiu iha merkadu Taibesi preokupa ho sira nia produtu neebe lafolin.

Ezijensia nee hato husi negosiante Elizio de Almeida katak, foin hahu governu deside serka sanitaria hodi bandu movimentasaun sira triste, tanba produtu neebe mak sira faan, laiha komprador atu sosa.

“Ami sente triste tanba ami sai hanesan ema negosiante ho situasaun ida hanesan nee bele hamate ami negosiante sira tanba sasan wainhira ami hola barak entaun ho situasaun ida nee aperta tenke estraga hotu,” nia tenik ba STL iha Merkadu Taibesi, Tersa (09/03/2021).

Nia dehan, sasan neebe maka sira faan hanesan tomate, bariak no modo tahan sira seluk tan neebe sira faan, tanba nee produtu neebe faan bainhira ema lahola, maka produtu hirak nee sei aat no dodok hodi seo estraga.

Iha fatin hanesan negosiante faan pulsa, João Barreto hatete, dehan durante nia faan pulsa iha loron hirak liu ba hetan rendementu diak ituan, maibe ohin loron la iha ema atu sosa.*

Reportajen: Maria Tavares
Editora: Domingas Gomes

LEAVE A REPLY

Please enter your comment!
Please enter your name here