Negosiante Roda Tolu Hahu Hetan Rendimentu

DILI, STLNEWS.co – Negosiante roda tolu neebe halo negosiu iha Terminal Tasi Tolu, sente kontente tanba movimentu ema, nomos transporte publiku lao normal fali ona, no fo rendimentu diak.

“Ami kontente tanba transporte publiku lao normal fali ona, no lori mos rendimentu neebe diak ba ami hanesan uluk, maske iha tinan hirak nia laran ami sofre, tanba atividade hotu paradu, ami nia sasan la folin ka komprador laiha, maibe loron hirak nee ami komesa hetan rendimentu diak,” dehan negosiante Manuel Maria Goncalves ba STL Tersa nee (26/10/2021) iha Terminal Tasi Tolu.

Nia mos afirma liu tan katak, uluk faan sasan ema nunka sosa, tan nee hein dader to’o loraik hetan deit US$ 5 mai karaik, maibe agora rendimentu hahu diak, loron ida hetan US$ 50 ba too US$ 100 resin.

Iha fatin hanesan, Jose da Costa (negosiante) husu ba governu atu labele estabelese tan Serka Sanitaria no Konfinamentu Obrigatoriu, bele fo espasu ba povu kiik atu buka moris, tanba tinan hirak nia laran, governu sulan povu iha uma deit, maibe agora tenke fo espasu ba povu buka moris.

“Ami la husu osan ba governu, maibe ami husu deit atividade hotu tenke lao normal hanesan agora, tanba kareta bis no mikrolet halai fali ona, halo ami nia sasan mos hahu folin fali ona, tan nee husu governu labele hanoin taka dalan hela deit,” dehan negosiante nee.*

(Mad)

LEAVE A REPLY

Please enter your comment!
Please enter your name here

NEWS UPDATE

Xanana Fila Hikas Ona Mai TL Ho Batik

DILI, STLNEWS.co - Hafoin halao viajen ba Japaun ho Portugal, durante semana 3 hodi halao enkontru lubuk ida, no simu honorariu doctorate 2 husi...

Jornalista Iha Filipina Hetan Tiru, Suspeitu Sei Misteriu

DILI, STLNEWS.co – Jornalista ida mate hetan tiru iha Filipina loron Kuarta horiseik (08/12/2022), bazeia ba informasaun husi grupu advokasia fatin neeba. Nia mak Jesus...

Universidade Katolika TL Iha Lasu No Devosaun Boot

DILI, STLNEWS.co – Ohin governu no lider Igreja Katolika hamutuk ho Premeadu Nobel da Paz, Dr. Jose Ramos Horta halo inagurasaun abertura solene Universidade...