Negosiante Tasi Tolu Menus Komprador

DILI, STLNEWS.co – Negosiante neebe faan modo iha terminal Tasi tolu, la hetan rendimentu, tanba menus komprador.

“Modo sira neebe ami faan iha nee, dala ruma sai kinur hotu, tanba komprador laiha, no ami mos la hetan rendimentu. Tanba nee susar tebes ba ami atu sosa fos saka ida ba familia, tanba agora estadu sulan fali ona povu iha uma,” kestaun nee fo sai husi Lucio Moniz, nuudar negosiante faan modo ba STL, Sabadu nee (28/08/2021) iha mini merkadu Tasi tolu.

Nia afirma liu tan, ikus – ikus nee ema atu sosa modo mos araska, modo sira neebe faan iha nee rai to’o loron rua deit kinur hotu, dala ruma lori fila ba uma fo han fahi, osan inan lakon hotu, tanba sosa nain sira laiha. Dala ruma hahu dader to’o loraik ema sosa deit US$ 1 ka 2, no osan nee la to’o atu sosa fos saka ida.

Tuir negosiante nee katak, lolos governu sulan povu tenke fo han, animal deit sulan iha lutu laran nain tenke fo han, karik la fo han mak liu loron ida ka rua nia bele mate iha luhan laran, hanesan mos ema, governu kria Konfinamentu Obrigatoriu (KO) hodi sulan povu iha uma, mak governu tenke kria kondisaun ka fasilita ai han ba povu.

Iha fatin hanesan Maria da Costa negosiante faan tahu hatutan, rendimentu loron – loron nee, bazeia ba komprador sira, tanba ema mai sosa barak mak rendimentu mos diak, ema la sosa rendimentu  laiha.

“Ita halerik bebeik ba govenru, maibe governu la preokupa ho nia povu, tanba nee ita povu tenke halo negosiu ho pasensia hodi sustenta moris familia, labele depende deit ba govenru, “dehan nia.

Tuir nia katak, ezijensia povu kiik nian ba governu mak, atu kria kondisaun merkadu, tinan barak ona halo negosiu iha deit loron manas nia laran, no lori deit sumrina hodi satan rai nia manas, tanba deit ekonomia familia.*

Reportajen: Madalena Horta

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 26 Setembru: Kazu Pozitivu 32 & Rekuperadu 83

DILI, STLNEWS.co - Sentru Integradu Jestaun Krize (SIJK) ohin relata kazu pozitivu iha ema nain 32 no rekuperadu hamutuk 117. "Kazu detetadu foun neebe relata ohin loron...

MTKI Loke Kompetisaun Pintura

DILI, STLNEWS.co - Ministeriu Turizmu Komersiu no Industria (MTKI), liu husi Diresaun Nasional Emprendismo ba Atividade Produtus Turistiku organiza kompetisaun pintura ba joven sira. Grupu...

Remata Nia Misaun Iha TL, Sitorus Despedida Ho WNI

DILI, STLNEWS.co – Embaixador Indonezia ba Timor Leste (TL), Sahat Sitorus ho nia espoza Bintang Vera C. Sitanggang, neebe durante tinan 4 ho balun...
%d bloggers like this: