Negosiante Tiriloka Susar Hetan Rendimentu

BAUCAU, STLNEWS.co – Negosiante neebe mak durante nee faan sasan iha dalan ninin Tiriloka nian oras nee dadaun susar tebes atu hetan rendimentu diak.

Informasaun nee hatoo husi negosiante Domingas da Costa ba STL iha nia faan fatin dalan ninin Tiriloka, Kuarta (02/06/2021) hateten, durante estadu emergensia no serka sanitaria fulan tolu nia laran, sasan neebe mak faan nee, estraga deit laiha ema mak atu sosa.

“Durante seidauk emergensia nee folin, tanba kareta lao ba, lao mai, nee ema sosa. Agora too tiha fulan tolu tama ba fulan haat ona nee, sasan nee ami estraga deit hudi sira mos too mai dodok sae tiha deit feuk dikin too namlaek balun too maran sosa fali foo mai tau mos hanesan deit ema la sosa,” dehan nia.

Nia hateten, modo no sasan neebe mak nia faan hola husi ema seluk mak faan fali, maibe ema la sosa too estraga no soe tiha deit.

Domingas sente triste tebes tanba durante nia moris tomak faan modo no sasan sira mak haree oan sira nia eskola no mos sosa fos hodi han loron kalan, maibe agora ema ladun sosa susar tebes atu sosa fos no pulsa ba oan sira atu tuir eskola online.

Iha fatin seluk negosiante dalan ninin Triloka nian, Domingos dos Reis hateten, viajen ema nian husi Dili mai Baucau, no Baucau ba Dili laiha sasan neebe mak faan ema sosa too dodok hotu.

“Agora Covid-19 la lao tun sae nee sasan sira nee mos ami faan ba ema la sosa dodok tiha deit, hau sente triste tamba hau labele hetan rendimentu diak atu sosa labarik sira nia hahan, sira tanis mos pasiensia tanba osan laiha nee atu halo saida,” nia tenik.

Nia hatutan, durante seidauk SS no EE hetan rendimentu diak tanba ema kada loron sempre sosa, maibe ho situasaun agora susar tebes atu hetan rendimentu diak atu sustenta uma laran.*

Reportajen: MJ-1
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Komunidade Hakbesik An Ba Parte Saude Hodi Simu Vasina

DILI, STLNEWS.co - Komunidade aldeia hat iha Suku Zulo, Postu Administrativu Zumalai, Munisipiu Covalima hakbesik aan ona ba saude hodi simu vasina doze primeiru...

ETDA Rejistu Estudantes 670

DILI, STLNEWS.co - Hahu iha fulan Janeiru too fulan Fevereiru 2021, sentru formasaun East Timor Development Agency (ETDA) rejistu estudantes hamutuk 670, maibe ema...

MAP – FAO Identifika Suku 3 Afetadu Malnutrisaun

DILI, STLNEWS.co - Ministeriu Agrikultura e Peskas (MAP) servisu hamutuk ho Food and Agriculture Organization of the United Nations (FAO), nomos ministeriu relevante identifika...
%d bloggers like this: