Negosiu Iha Pontu Entrada Tasi-Tolu Rame

DILI, STLNEWS.co – Atividade negosiu neebe lao iha pontu entrada Tasi-Tolu, rame tebes no fo duni rendimentu ba negosiante no povu agrikultor sira neebe lori produtu lokal husi munisipiu mai faan iha kapital.

Tuir Maria Amaral hanesan negosiante hateten, atividade negosiu nee diak tebes tanba bele hetan netik rendimentu hodi sustenta familia uma laran.

“Espasu neebe governu fo hodi loke bazar iha pontu entrada sira nee diak, maibe loron limitadu tebes, semana ida ami lori modo mai faan iha nee (Red- Dili) dala tolu, hanesan Segunda, Kuarta no Sesta, loron nee limitadu tebes ba ami, sebele semana ida bazar dala 4, atu nunee fo espasu ba ami bele lori nafatin modo mai, tanba agora tempu modo, tanba populasaun iha Munisipiu Liquiça maioria hola parte iha vida agrikultor,” dehan negosiante Maria Amaral ba STL, Sesta (09/07/2021) iha pontu entrada Tasi-Tolu.

Nia mos afirma liu tan katak, modo no produtu lokal sira neebe faan iha merkadu entrada nee, mai husi Munispiu Bobonaro, Liquiça no Ermera.

Modo sira nee bainhira too iha pontu entrada Tasi-Tolu, simu kedan husi langganan sira neebe agora dadauk faan hela iha merkadu Tasi Tolu, merkadu Manleu no merkadu Taibesi, inklui merkadu Comoro.

“Modo neebe ami lori mai faan, hanesan modo mutin, modo metan, aifarina tahan, lakeru nomos produtu seluk, ami faan ho folin baratu tantu ba langganan nomos sosa nain sira, aifarina tahan futun 8 ho presu $1, modo mutin futun $6 ida, lakeru mutin fuan $7.50, inklui produtu seluk folin baratu,” dehan negosiante nee.

Tuir nia katak, rendimemtu kiik, maibe importante esforsu no badinas, atu nunee moris uma laran labele susar, tanba ho situsaun Covid, atividade hotu labele lao, so faan modo tahan sira nee deit maka autoriza.

Tuir observasaun STL nian iha terenu haree katak, atividade negosiu neebe lao iha pontu entrada Tasi-Tolu nee rame tebes, bainhira kareta tula modo tama mai, langganan sira ba hadau malu hodi hatun modo husi kareta.

Aleinde nee langganan sira tenke aluga fali gerobak hodi tula modo husi pontu entrada sorin ba, hodi mai fali iha parte karantina oin maka foin tula ba kareta hodi lori ba merkadu Taibesi, Manleu, no sira seluk, tanba kareta neebe tula modo mai husi munisipiu tenke para iha sorin ba partensia rai metan nian, no husi Dili laran para iha kuarentena Tasi-Tolu nia oin, depois halo tranferensia husi gerobak ba mai.

Aleinde nee negosiante sira nee, balun la uza maskra, tanba atividade negosiu nee rame halo distansiamentu laiha.*

Reportajen: Madalena Horta
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Covid-19 Update (29 Jullu 2021): Numeru Pozitivu Kontinua Aas Iha Ermera

DILI, STLNEWS.co - Loron Kinta (29/07/ 2021), Centru Integradu Gestão de Crises, Sala Situação (CIGC-SS / SS-SIJK) rejistu tan kazu konfirmadu pozitivu Covid-19 hamutuk...

Nobel da Paz Prepara Materia Ba Ezame

DILI, STLNEWS.co - Eskola Ensinu Sekundariu Nobel da Paz, prepara ona materia ba estudante sira, atu tuir ezame segundu periodu ano letivu 2021, neebe...

IFFS Reativa Aula Prezensial

DILI, STLNEWS.co - Reitor Instituto Filosofico Sao Francisco de Sales (IFFS), Pe. Manuel Pinto hatete, reativa aula prosesu aprendizajen, tanba lakon tempu barak ona...
%d bloggers like this: