DILI, STLNES.co – Oras nee daudaun folin nesesidade baziku ho kombustivel folin sae, halo povu sira kontinua susar liu tan, ida nee presiza governu nia prezensa iha baze, hodi halao intervensaun.
Tuir Veteranus Ete Uco Guterres katak, governu labele haluha nia lema katak servidor povu, neebe iha situasaun agora sasan folin sae, ida nee afeta ba populasaun, presiza governu nia prezensa, tanba nee governu labele hanoin deit ba poder, maibe haluha tiha responsabilidade.
“Nudar veterenus ami tristi haree ba situasaun agora, nesesidade baziku folin sae, kombustivel mos folin sae, transporte publiku balu hahu halo asaun mogok, maibe seidauk iha intervensaun husi governu atu nunee bele buka solusaun, ida nee lamentavel,” katak Ete Uco ba STL, Sesta nee (08/04/2022) iha nia knaar fatin Balide.
Kontinua ba pajina 2
