Nesesidade Baziku W-Four Sufisiente

Maski Governu aplika Estadu Emerjensia (EE) ba dala sia, hodi halo prevensaun ba Covid-19, maibe sasan nesesidade baziku iha supermerkadu W-Four sei sufisiente hodi atende konsumedor sira. (Foto: STL/Jacinta Sequeira)

DILI, STLNEWS.co – Maski Governu aplika Estadu Emerjensia (EE) ba dala sia, hodi halo prevensaun ba Covid-19, maibe sasan nesesidade baziku iha supermerkadu W-Four sei sufisiente hodi atende konsumedor sira.

Manager supermerkadu W-Four, Leoniza C.Ximeneshatete, kona ba EE neebe mak governu fo sai ba dala sia, husi sira nia kompania supermerkadu, stok sasan nesesidade baziku sei mantein nafatin, tanba antes tama loron boot natal ho tinan foun foun liu ba sira prepara kedas stok sasan nesesidade baziku iha fulan Dezembru nian laran.

“Ami nian sasan ou stok neebe mak ami prepara, nee hau hanoin seisufisiente ba fulan ida ou rua nian,fos sira nee nain hira mos hatene ona, tanba ami iha nee laos iha agen rasik, tanba ami foti fali husi agen seluk, neebe mak iha fulan kotuk kedas fos folin komesa sae, maibe la sae makas liu, sae uituan deit,” dehan Leoniza ba STL, iha supermerkadu W-Four Audian,Dili, Segunda (04/01/2021).

Nia dehan, agora dadaun folin fos hahu sae,maibe sira faan kontinua ho presu $13, no iha fatin balun hahu hasae presu fos 25 kg ba $14 ,maibe fos ho marka 30 kg, ninia presu $15 ou $16, nee $15, nesesidade baziku sira seluk ladun iha preokupasaun, tanba tauk mak ba fos ninia, liu-liu ba iha programa sesta bazika neebe mak iha.

“Masi midar no mina sira nee, agora dadaun sesta bazika iha fatin-fatin kontinua lao nafatin, nee stok neebe mak iha sempre hotu lalais deit, ho ida nee, hau hanoin ami nian sasan sei sufisiente hela, ita agora tama iha EE,para ita hotu bele halo prevensaun ba moras ida nee, ho ida nee ita nian governu fo sai tan EE ba dala sia nee,” dehan nia.

Leoniza akresenta, fos mos dadaun nee sei iha hela, tanba iha Dezembru nee ema menus sosa sasan, entaun sasan sei iha hela, tanba agora dadaun konsumedor sira sempre mai sosa nafatin sasan iha supermerkadu ida nee.

Iha fatin seluk, Fernanda de Jesus,hanesan konsumedor,hatete,agora dadaun fos ho marka 25 kg ho folin $13, 50 cent, maibe uluk nee $12 ba leten, maibe hakarak ka lakohi tenke sosa, tanba folin fos mak nunee ona, dala ruma fos 30 kg nee uluk $14, agora sae ba $15 dolar, ida nee tanba ema sira faan tutan nee hasae presu fos, tanba sira mos sosa tutan deit.*

Reportajen: Jacinta Sequeira/Madalena Horta
Editora: Carme Ximenes

LEAVE A REPLY

Please enter your comment!
Please enter your name here