Numeru Taka Kompania Menus

DILI, STLNEWS.co – Tinan ida nee numeru emprezariu taka sira nian kompania menus, tanba parte SERVE husu ba emprezariu sira labele taka kompania, maibe taka deit atividades kompania ninia.

“Kestaun taka hau bele hatete, SERVE kontente teb-tebes tanba numeru taka kompania nee tun tebes iha tinan ida nee, hau hanoin ida nee diak tebes, tanba SERVE sempre uza meius sira hanesan liu husi media sira sempre fo sai, hodi informa ba ita nian komunidade emprezarial sira katak, la presiza taka kompania, maibe presiza deit taka atividades, tanba nee too iha fulan Abril agora, ita foin taka ofisialmente kompania hamutuk 22, maibe husi 22 nee, iha fulan Janeiru kompania 12, fulan Fevereiru tun ba 5, Marsu 3, foin dadaun tun ba ida tan,” dehan Diretor Ezekutivu SERVE, Florencio Sanches ba STL iha nia knaar fatin SERVE Hudi-Laran, Dili, Kuarta (09/06/2021).

Nia parte agradese ba media STL neebe durante nee sempre fo sai nafatin informasaun ba publiku, liu-liu konaba atividades SERVE nian durante nee, inklui media seluk neebe espalla informasaun neebe SERVE fo, atu nunee fo informasaun ba emprezariu sira labele taka kompania, ikus mai numeru taka kompania ba tinan ida nee menus tebes, tanba nee parte husi SERVE nian mos bele kontente.

“Mezmu tempu taka kompania sira mos bele hatene ona informasaun liu husi media, entaun taka deit atividades, maibe hau hakarak hatete katak, oinsa halo alterasaun ba atividades, mak ida neebe sekarik uluk sira faan tomati la folin, bele faan sapatu ou ba halo loja kiik ida ba tesi fuk, hau hanoin ida nee ninia numeru nee boot tebes too rihun ida, ida nee ita hakarak, signifika katak, primeiru alterasaun ba saida, karik husi atividades A neebe la diak ona, nee bele ba iha atividades B, segundu sira halo alterasaun, ezemplu uluk kompania nee ema ida deit mak nain, maibe buka tan ema nain ida, bele ga lae hau altera hau nian kompania sosio hamutuk, numeru ida nee agora boot,” katak nia.

Nia dehan, too iha fulan Maiu dadaun nee, SERVE simu pedidu zero, maibe pedidu aumenta ba alterasaun, tanba estadu presiza duni setor privadu sira, atu bele ajuda setor publiku hodi dezenvolve rai ida nee, tanba nee komesa diak ona, hein katak tinan nee remata laiha ema ida bele taka kompania, maibe halo alterasaun ou taka sira nian atividades.

Iha parte seluk, Dekanu Fakuldade Siensia Sosiais UNTL, Camilio Ximenes Almeida hatete, ho pandemia Covid-19 nee defikulta mos ba setor privadu sira, liu-liu konaba finanseiru ninia, tanba kompania balun taka, nee aumenta mos numeru dezempregu iha rai laran.

“Ita hatene katak, ho situasaun Covid-19 nee, ita nafatin aplika serka sanitaria, dezafiu mos ba ita nian setor privadu sira nian atividades,” dehan nia.*

Reportajen: Jacinta Sequeira
Editor: Domingas Gomes

LEAVE A REPLY

Please enter your comment!
Please enter your name here

NEWS UPDATE

Reativa Eskola Iha Baucau Sei Marka Audensia Ho MEJD

BAUCAU, STLNEWS.co - Diretor Servisu Munisipal Edukasaun, Juventude, no Desportu (SMEJD) Baucau, Segunda semana oin sei marka audensia ho Ministeriu Edukasaun, Juventude, no Despostu...

Komunidade Hakbesik An Ba Parte Saude Hodi Simu Vasina

DILI, STLNEWS.co - Komunidade aldeia hat iha Suku Zulo, Postu Administrativu Zumalai, Munisipiu Covalima hakbesik an ona ba saude hodi simu vasina doze primeiru...

ETDA Rejistu Estudantes 670

DILI, STLNEWS.co - Hahu iha fulan Janeiru too fulan Fevereiru 2021, sentru formasaun East Timor Development Agency (ETDA) rejistu estudantes hamutuk 670, maibe ema...
%d bloggers like this: