OJE 2021 Ba MS Pasa Iha Espesialidade

Deputadu/deputada sira iha Parlamentu Nasional (PN) aprova ona orsamentu ho montante millaun US$ 31, ho votus afavor 43, kontra 0, abstensaun 0. (Foto: Media PN)

DILI, STLNEWS.co – Deputadu sira aprova ona proposta Orsamentu Jeral Estadu (OJE) 2021 iha espesialidade ba iha Ministeriu Saude (MS) ho montante millaun US$ 58,847,506 ho rezultadu afavor 43, kontra 0, abstensaun 0.

Liu husi sesaun plenaria Kuarta (09/12/2020) iha PN, bainhira halao debate espesialidade ba loron datoluk, deputadu sira aprova ona orsamentu ba MS ho montante millaun US$ 58,847,506.

Husi total nee fahe ba kategoria salariu e vensimentu US$ 23,928,890, bens e servisu US$ 17,616,256, kapital menor US$ 1,920,256, kapital dezenvolvimentu US$ 3,750,104, transferensia publika US$ 11,632,000.

Hafoin halao diskusaun Prezidente Parlamentu Nasional (PPN) Aniceto Guterres sub-mete ba votasaun.

“Rezultadu Votasaun afavor 43, kontra 0, abstensaun 0, orsamentu ba Ministeriu Saude passa iha espesialidade.” anunsia PPN.*

Reportajen: Guilhermina Franco / Domingas Soares
Editor: Ekipa STL

LEAVE A REPLY

Please enter your comment!
Please enter your name here