OJE 2021 Boot Dezenvolvimentu Paradu, Inocencio: Ekonomia TL Tau Soru Hela

DILI, STLNEWS.co – Orsamentu Jeral do Estadu (OJE) tinan 2021 ho montante neebe boot kuaze billaun ida resin, maibe dezenvolvinentu setor ekonomia iha rai laran la lao, liu liu infraestrutura, tanba ministeriu kompetente neebe kaer infraestrutura la book an maske tinan ida nee besik remata ona.

Kestaun nee fo sai husi Prezidente Camara Comersiu Industria Timor Leste (CCI-TL), Oscar Lima ba STL, Kuarta nee (07/07/2021) iha Comoro.

Prezidente Camara Comersiu Industria Timor Leste (CCI-TL), Oscar Lima. (Foto: STL/Guilhermina Franco)

“Hau hanoin orsamentu tinan ida nee montante boot, tanba nee ita tenke dezenvolve iha setor infraestrutura, atu nunee bele kria kampu servisu ba joven sira neebe dezempregu hela, tanba impaktu husi rendimentu laiha, sirkulasaun osan la lao ho diak tanba nee, kompania barak taka sira nia atividade. Orsamentu Jeral do Estadu seidauk kria kampu servisu ba joven sira, tanba infraestrutura rai laran la lao,” dehan Prezidente CCI-TL, Oscar Lima.

Nia mos afirma, agora tama ona ba fulan Jullu, tanba nee orsamentu neebe aloka ba setor sira neebe atu kria kampu servisu nee, Governante sira sei bele book, importante Ministeriu sira neebe kaer asuntu infraestrutura nee, tenke book an, dedika an atu halo netik buat ruma hodi fo servisu ba joven sira.

Iha parte seluk Ofisial Ligasaun Institusional AJAR, Inocencio Xavier hatutan, maske OJE 2021 ho montante neebe boot, maibe liga ba ekonomia rai laran seidauk estavel, tanba portal transferensia governu nian ministeriu balun foin ezekuta too 11% husi total OJE 2021 nian.

Ofisial Ligasaun Institusional AJAR, Inocencio Xavier. (Foto: STL/Guilhermina Franco)

“Hau hanoin orsamentu neebe atu finansia rekupera ekonomia rai laran, maka la ezekuta ho diak nee susar, tanba ita la haree investimentu direta ho indireta, nee ita la haree, tanba nee ekonomia hanesan ema neebe moras todan tau hela soru, ita la hatene atu mate ka moris,” dehan sosiedade sivil nee.*

Reportajen: Madalena Horta/Guilhermina Franco
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 23 Setembru: Kazu Pozitivu 58, Rekuperadu 148 & Obitu 1

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 58, i kazu rekuperadu ohin loron 148 no obitu nain...

Vasinasaun Dalan Seguru, Normaliza Situasaun

DILI, STLNEWS.co – Vasinasaun mak dalan seguru hodi normaliza situasaun, no hasae imunidade forte atu prevene Covid-19. Kestaun nee haktuir husi Ministru Ensinu Superior Siensia...

Finalista ICS 292 Simu Graduasaun

DILI, STLNEWS.co – Institutu Ciencia Saude (ICS), ohin halao graduasaun ba finalista hamutuk 292, kompostu husi fakuldade 4 mak hanesan, Fakuldade Enfarmajen, Farmasia, Parteira...
%d bloggers like this: