OJE Privativu PN Tokon $16.984.066

Prezidente Parlamentu Nasional, Aniceto Longuinhos Guterres Lopes. (Foto: Media PN)

DILI, STLNEWS.co – Deputadu sira hahu diskute orsamentu privativu Parlamentu Nasional (PN) ba tinan 2021, ho montante tokon $16.984.066.

Prezidente Parlamentu Nasional, Aniceto Longuinhos Guterres Lopes hatete, husi montante nee tokon $3.000.000 preve harii edifisiu propriu Parlamentu Nasional nian.

“Orsamentu tokon $16-resin nee inklui ona kapital dezenvolvimentu, tokon $3 atu halo edifisiu Parlamentu Nasional nian, la inklui kapital dezenvolvimentu, nunee Parlamentu Naional nia osan hamutuk tokon $13.984.066,” dehan PPN Aniceto liu husi plenaria, iha PN, Dili, Tersa (29/09/2020).

Nia hatutan oras nee dadaun orsamentu privativu hahu diskusaun iha plenaria, iha faze jeneralidade hafoin tama ba faze espesialidade.

Entretantu tetu fiskal 2021 neebe Parlamentu Nasional simu husi Ministeriu Finansa iha loron 7 Setembru 2020 hamutuk tokon $13.984.066, maibe aumenta tan ho tokon $3 atu harii edifisiu Parlamentu Nasional nian hamutuk tokon $16.984.066.

Husi orsamentu tokon $16.984.066 nee fahe ba salariu no vensimentu tokon $5.581.083, bens no servisu tokon $6.250.029, kapital minor tokon $492.796, kapital dezenvolvimentu tokon $3.000.000 no transferensia publika tokon $1.462.000.*

Reportajen: Domingas Soares/Guilhermina Franco
Editora: Carme Ximenes

LEAVE A REPLY

Please enter your comment!
Please enter your name here