Orsamentu Ba Munisipiu 12 Aprovadu Iha PN

Deputadu sira iha Parlamentu Nasional (PN), aprova ona Orsamentu Jeral Estadu 2021 ba Instittute Poleteknika Betanu (IPB) ho montante tokon US$ 1.341 ho votus afavor 42, kontra 0, abstensaun 0. (Foto: Media PN)

DILI, STLNEWS.co – Parlamentu Nasional aprova ona proposta Orsamentu Jeral Estadu (OJE) 2021 ba administrasaun munisipiu 12 iha espesialidade.

Liu husi sesaun plenaria Kinta (10/12/2020) iha PN, liu husi debate iha faze espesialidade ba loron dahat, deputadu sira fo votus unaminidade ba orsamentu ba munisipiu 12, Baucau ho montante millaun $ 5.702, Bobonaro montante millaun $ 5.332, Dili montante $ 9.059, Ermera montante millaun $ 5.022, Aileu montante millaun $ 3. 173, Ainaro ho montante millaun $ 3.672, Covalima ho montante millaun $ 4.679, Lautem ho montante millaun $ 4.416, Liquiça ho montante millaun $ 3.600, Manufahi ho montante millaun $ 4.010, Manatuto ho montante millaun $ 4.568, no Viqueque ho montante millaun $ 4.507.

Entretantu husi administrasaun munisipal 12 nee uniku iha munisipiu Aileu mak iha proposta alterasaun ba aumentu iha 200 mil ba progrma Planeamentu Dezenvolvimentu Integradu Munisipal (PDIM), 200 mill nee foti husi orsamentu Prezidente Republika (PR) tanba nee orsamentu ba munisipiu Aileu iha programa PDIM aumentu.

Entretantu iha diskusaun tanba laiha proposta ba alterasaun, tanba nee Prezidente Parlamentu Nasional (PPN) Aniceto Guterres sub-mete ba votasaun liu husi munisipiu ida por ida, votasaun dahuluk ba administrasaun munisipal Baucau.

“Rezultadu votasaun afavor 43, kontra 0, abstensaun 0, tanba nee orsamentu ba Munisipiu Baucau passa”, anunsia PPN.Entretantu votasaun tuir ba munisipiu 11 deputadu sira fo votus hanesan rezultadu votasaun 43, kontra 0, abstensaun 0. Nunee rezultadu votasaun ba orsamentu munisipiu 12 pasa iha espesialidade ho votus neebe hanesan.*

Reportajen: Guilhermina Franco/Domingas Soares
Editor: Ekipa STL

LEAVE A REPLY

Please enter your comment!
Please enter your name here