Orsamentu Ba Primeiru Ministru Passa Iha Espesialidade

DILI, STLNEWS.co – Deputadu Parlamentu Nasional liu husi diskusaun Orsamentu Jeral Estadu (OJE) 2021, aprova ona proposta orsamentu iha espesialidade ba Primeiru Ministru hamutuk tokon US$ 10,267.

Iha debate faze espesialidade ba Orsamentu Jeral Estadu (OJE) ba Primeiru Ministru, deputadu sira husi bankada 7 hanesan Fretilin, PLP, Khunto, PD, UDT, FM, PUDD aprova ona proposta orsamentu ba Gabineti Primeiru Ministru ho votus afavor 44, kontra 0, abstensaun 0.

“Rezultadu votasaun afavor 44, kontra 0, abstensaun 0, tanba nee orsamentu ba Gabineti Primeiru Ministru passa,” informa Prezidente Parlamentu Nasional (PPN) Aniceto Longuinhos Guterres, iha diskusaun espesialidade ba Orsamentu Jeral Estadu (OJE) tinan 2021, Sesta(04/12/2020).

Entretantu orsamentu ba Gabineti Primeiru Ministru hamutuk tokon US$ 10,267 fahe ba kategoria salariu vensimentu rihun US$ 506, bens servisu tokon US$ 3,208, transferensia publika tokon US$ 5,903, kapital menor rihun US$ 334, kapital dezenvolvimentu rihun US$ 315.

Reportajen: Alberto Menezes
Editor: Ekipa STL

LEAVE A REPLY

Please enter your comment!
Please enter your name here