Osan Retifikativu Ba Sesta Bazika Tokon US$ 31

Ministru Koordenador Asuntus Ekonomikus (MCAE) Joaquim Amaral. (Foto: MCAE)

DILI, STLNEWS.co – Iha Orsamentu Retifikativu, Ministru Koordenador Asuntus Ekonomikus (MCAE-sigla Portugues) husu tokon US$ 31 hodi finaliza programa sesta bazika.

Informa Ministru Koordenador Asuntus Ekonomikus (MCAE) Joaquim Amaral ba jornalista, hafoin halao audensia ho komisaun D ho C PN, ba Orsamentu Ratifikativu, iha Parlamentu Nasional, Dili, Sesta (09/04/2021).

“Orsamentu Retifikativu Governu liu husi MCAE husu tan orsamentu tokon US$ 31 ba sesta bazika, atu hodi finaliza programa nee, hau hanoin ho orsamentu tokon US$ 31 nee too ona, atu hodi selu hotu distribuisaun sesta bazika, tanba agora foin 70% distribuisaun sesta bazika”, dehan MCAE Joaquim.

Nia dehan, husi orsamentu tokon US$ 31 nee kontribui husu ministeriu hotu-hotu, tanba nee rezolusaun governu nian, atu ministeriu hotu kontribui 7% ba orsamentu nee, maibe balu iha situasaun emerjensia sira seidauk atu bele transfere, tanba nee atu garante oportunu katak ministeriu sira hotu kontribui mak distribui.

“Ba MCAE rasik kontribui 7%, neebe ho orsamentu neebe halibur 7% kada ministeriu nee seidauk kompletu, neebe agora dadaun distribuisaun sei kontinua ho orsamentu inisiu, hodi hein kontribui ministeriu sira nian hotu ona mak kontinua ho orsamentu nee audional iha retifikativu nee”, tenik nia.

Governante nee afirma orsamentu inisiu ba sesta bazika iha tokon US$ 71.5 nee hodi distribui ba iha populasaun tokon 1.3, maibe depois aprova orsamentu Ministeriu Administrasaun Estatal, halo fali levantamentu ka rekonfirma fali dadus populasaun, dadus populasaun nee sae fali ba iha tokon 1.5, tanba nee aumenta tan orsamentu hodi hotu-hotu hetan. Hein katak dadus neebe iha sei latoo numeru nee, tanba nia fiar katak iha duplika lubuk ida.*

Reportajen: Guilhermina Franco / Domingas Soares
Editor: Ekipa STL

LEAVE A REPLY

Please enter your comment!
Please enter your name here