Oscar Husu Ermera Oan Dezenvolve Kafe

DILI, STLNEWS.co – Kafe Timor morin tebes iha merkadu nasional nomos internasional, tanba nee husu ba Ermera oan sira atu dezenvolve didiak kafe, nunee bele hasae fali produsaun kafe tanba kafe hanesan identidade nasaun nian.

“Hau triste bainhira haree produsaun kafe iha Ermera kada tinan nia kuantidade kontinua tuun ba bebeik, tanba agrikultor sira dezenvolve liu maek, tanba maek nia folin aas iha merkadu rai laran, nomos rai liur, tan nee kafe sira neebe tuan ona agrikultor sira la hadia, ho nunee nia bele fo fuan diak, iha fatin balu sira tesi sai hotu kafe no kuda fali maek,  tanba nee halo produsaun kafe tuun,” kestaun nee haktuir husi Prezidente Camara Comersiu Industria Timor Leste (CCI-TL), Oscar Lima ba STL, Kinta nee (16/09/2021) iha nia knaar fatin Comoro.

Nia afirma liutan, agrikultor sira la hatene katak, agora mak maek nia folin diak nee, maibe aban bainrua maek nia folin sei tuun, no nia sei la permanente hanesan kafe, tanba nee husu ba agrikultor sira iha Ermera, diak liu hadia mos kafe sira neebe tuan ona, nunee aban bainrua maek la folin ona karik, bele faan fali kafe, tan nee husu atu garante nafatin kuantidade kafe, liu – liu iha Munisipiu Ermera.

Tuir Ermera oan nee katak, agrikultor barak halerik, tanba madre kakau neebe fo mahon ba kafe nee barak mak tuan dadauk ona, nee labele fo mahon diak, maibe habesan Ermera oan koalia ho Ministeriu agrikultura, oinsa atu fo ai horis seluk neebe bele fo mahon ba kafe hodi fuan diak, ou bele fasilita madre kakau oan hodi fo mahon ba kafe.

Iha parte seluk, peprezentante povu iha uma fukun Parlamentu Nasional (PN), Deputadu Domingos de Carvalho hatutan, atu hasae produsaun kafe iha iha rai laran, nee kompetensia ministeriu relevante nian, liu – liu Ministeriu Agrikultura no Peskas (MAP) mak bele halo identifikasaun produsaun kafe tuun tanba saida, no meus saida mak governu halo hodi hasae fali produsaun.*

Reportajen: Madalena Horta

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 20 Outubru: Kazu Foun Hamutuk 16

DILI, STLNEWS.co - Ohin loron Sentru Integradu Jestaun Krize (SIJK) rejistu kazu foun hamutuk 16, iha Dili 14 no munisipiu seluk iha nain 2. "Kazu...

Membru F-FDTL Foun Ida Halai Lakon

DILI, STLNEWS.co - Membru foun FALINTIL Forsa Defeza Timor Leste (F-FDTL) ida ohin halai lakon iha sentru formasaun Metinaro tanba la augenta ho instrusaun...

Maromak La Dukur Ba Nia Ema

DILI, STLNEWS.co - Maromak mak iha kbiit tomak sempre akompanha ema hotu iha tempu saida deit no nunka dukur ba ema, tanba ne'e presiza...