Oscar Lima Husu Emprezariu Reativa Atividade

DILI, STLNEWS.co – Prezidente Câmara de Comércio e Indústria Timor Leste (CCI-TL) husu ba setor privadu sira neebe maka hamahan an iha CCI-TL, atu reativa fila fali idak – idak nia atividade empreza. Tanba Covid-19 neebe mosu iha tinan kotuk halo atividade setor privadu sai paradu, empreza barak taka, tan nee tinan 2022 ona husu atu reativa fali atividade empreza.

“Hanesan Prezidente CCI-TL, husu ba setor privadu sira atu reativa fali ida – idak nia empreza neebe taka provizoriu durante Covid-19, no agora tenke reativa fali, karik governu fo konfiansa kaer projetu nunee la presiza halai ba mai, no hotu – hotu reativa diak liu,  atu nunee bele fo netik servisu ba joven sira neebe dezempregu hela,” kestaun nee fo sai husi Prezidente CCI-TL, Oscar Lima ba STL Kinta nee (06/01/2022) iha nia knaar fatin Fomento, Dili.

Nia katak, razaun emprezariu sira atu reativa sira nia kompania tanba atu hadia ekonomia iha rai laran, karik setor privadu la book an maka  ekonomia iha nee sei nafatin paradu, tan nee dezenvolve ekonomia iha rai laran atu lao ba oin, maka setor privadu sira tenke book an, uza oportunidade neebe iha halo negosiu, maibe buat hotu depende ba empreza idak – idak. Iha parte seluk Diretr SERVE, Florencio Sanches hatete, hafoin TL livre husi Covid-19 halo empreza barak maka hahu reativa fali sira nia atividade emprezarial, kada loron aumemta ba beibeik, uluk sira taka provizoriu nee tanba Covid-19 la fo espasu ba setor privadu atu halo atividade, laiha rendimentu.

(mad)

LEAVE A REPLY

Please enter your comment!
Please enter your name here

NEWS UPDATE

Nilton: Kompetisaun LFTL Tinan Nee Realiza Nafatin

DILI, STLNEWS.co – Prezidente Liga Futebol Timor Leste (LFTL), Nilton Telmo Gusmão hatete, kompetisaun LFTL epoka tinan 2022 tenke realiza nafatin ho durasaun tempu...

Ekipa STL Corp. Hasoru Malu Ho General Manager Bank Mandiri Timor Leste

DILI, STLNEWS.co - Ekipa Suara Timor Lorosae Corporation (STL Corp.) neebe dirije husi Supervisor STL Corp, António César de Jesus Soares akompaña husi Redaktur...

Ezonera Tenente Jeneral Lere, Governu Nomeia Falur Ba XEMFA

DILI, STLNEWS.co – Konsellu Ministru (KM) aprova ona projetu governu nian konaba ezonera Tenente Jeneral Lere Anan Timur husi Xefe Estadu Maior Jeneral Forsa Armada...