Oscar Lima Husu Membru CCI-TL Apoiu Povu Afetadu

Prezidente CCI-TL, Oscar Lima. (Foto: STL/Madalena Horta)

DILI, STLNEWS.co – Prezidente Camara Comersiu Industria Timor Leste (CCI-TL), husu ba setor privadu sira neebe hamahan aan iha CCI-TL, atu koopera hamutuk hodi apoiu aihan ruma ba maluk Timoroan neebe sofre ba inundasaun foin lalais nee.

“Hau hakarak apela ba emprezariu lokal no emprezariu International atu solidariza no fo apoiu ai han liu liu nesesidade baziku nomos produtu seluk ba maluk sira neebe afetadu ba dezastre naturais neebe foin dadauk akontese,” dehan Prezidente CCI-TL, Oscar ba STL, liu husi telefone, Kinta (08/04/2021).

Nia afirma, setor privadu sira balun hahu book aan ona fahe dadauk ona ai han ba maluk afetadu sira, no balun prepara dadauk ona, fiar katak ho apoiu sora nee bele hakman uituan komunidade afetadu sira nia terus no triste.

Tuir observasaun STL nian haree katak, emprezariu lokal hanesan bandido kualidade, mos fahe ona fos saka rihun ida ba komunidade afetadu inundasaun iha area Tasi-Tolu, tanba nee fiar katak setor privadu sira seluk mos bele apoiu povu kiik sira neebe sofre hela na inundasaun. *

Reportajen: Madalena Horta
Editor: Ekipa STL

LEAVE A REPLY

Please enter your comment!
Please enter your name here