Oscar Lima Tristi Haree Empreza Barak Taka

DILI, STLNEWS.co – Tristi haree kompania nasional no internasional barak mak taka sira nia atividade, dala ruma la aguenta ona ho situasaun ekonomia neebe lao iha rai laran.

Preokupasaun nee hatoo husi Prezidente Camara de Comercio e Industria de Timor Leste (CCI-TL), Oscar Lima ba joranlsita, Sesta nee (13/05/2022) iha nia knaar fatin Fomento, Dili.

“Ita tristi wainhira rona kompania nasional no internasional barak kontinua taka sira nia atividade, lo-loos nee sira tenki pertahanka lai, tanba agora Covid-19 la iha ona, no governu mos tau ona osan iha banku atu fasilita setor privadu sira asesu ba kredu,” dehan Prezidente CCI-TL, Oscar Lima.

Nia mos afirma liu tan katak, lo-loos nee sira tenki selu 50% hodi augenta lai sira nia atividade, tanba uluk mak atividade hotu paradu, no agora atividade lao normal fali ona, maibe dala ruma susar tanba osan la iha.

Tuir nia katak, agora daudaun Ministru Obras Publiku ho nia ekipa halo hela esforsu boot ida atu investe iha setor infraestrutura, ida nee parte ida atu fo kbiit ba setor privadu sira hodi labele taka sira nia atividade.

“Hau Tristi wainhira rona kada loron kompania kontinua taka nia atividade, maibe dala ruma sira hasoru problema finansa, kada loron sira tenka gasta osan, selu trabalhador no selu mos taxa ba governu, maibe haree ba rendimentu la iha, nee mos fo ameasa boot ba setor privadu atu taka sira nia atividade, tan nee espera katak aban bain rua sira sei loke fali sira nia atividade, hodi fo servisu ba Timor oan sira hodi redus dezempregu iha rai laran,” dehan Oscar Lima.

(mad)

LEAVE A REPLY

Please enter your comment!
Please enter your name here

NEWS UPDATE

Numeru Konflitu Tuun Makaas Dezde Governu Desidi Reativa Atividade Arte Marsiais & Arte Ritual

DILI, STLNEWS.co - Primeiru Ministru (PM) Taur Matan Ruak hateten, dezde governu desidi reativa atividade Grupu Arte Marsiais no Arte Ritual, numeru konflitu iha...

Taur Apresia Esforsu SEJD-KRAM Reativa Atividade Arte Marsiais & Arte Ritual

DILI, STLNEWS.co - Primeiru Ministru (PM) Taur Matan Ruak agradese esforsu Sekretariu Estadu Juventude no Desportu (SEJD) no Prezidente Komisaun Reguladora Arte Marsias (KRAM ), neebe...

Sasin La Iha Konhesimentu Kazu Konstrusaun Armajen Foos

DILI, STLNEWS.co - Kazu konstrusaun armajen foos, Tribunal Distrital Dili kontinua rona sasin. Tanba nee, iha julgamentu kontinuasaun nee, tribunal rona sasin ho inisial MC neebe...