OXFAM Apoiu Material Ba Vitima Inundasaun 32

DILI, STLNEWS.co – Parseiru Humanitarian Australia nian, neebe kompostu husi OXFAM, CARE, PLAN, WORLD VISION, CARITAS no Rais Hadomi Timor Oan (RHTO), hamutuk ho protesaun sivil hanesan parte governu, fo apoiu material ba vitima inundasaun hamutuk uma kain 32, neebe deside fila ba uma.

Tuir reprezentante OXFAM, Jestor Programa Josh Fernandes hatete, apoiu sira nee hetan husi governu Australia maka fo liu husi ajensia ba parseiru humanitariu Australia nian, neebe kompostu husi OXFAM, CARE, PLAN, WORLD VISION, CARITAS no Rais Hadomi Timor Oan (RHTO).

“Ami mai fahe material neebe laos hahan, maibe hanesan pakote familia nian, kompostu husi pakote ba feto, dapur, biti, terpal, manta no ekipamentus hanesan kanuru suru rai ka kahur masa sira nee. Ohin loron ami hamutuk ho Protesaun Sivil hanesan parte governu, mai fahe pakote hirak nee ba vitima uma kain hamutuk 32, neebe sira nain rasik deside ona atu fila ba sira nia uma,” dehan Josh Fernandes ba jornalista iha Suku Manleuana, Sabado (22/05/2021).

Nia dehan, sira foka ba iha sentru vokasaun sira, tanba agora konsetra iha suku Manleuana, maibe iha mos sentru vokasaun sira seluk, tanba antes nee sira distribui ona iha sentru sira seluk, depende iha komunidade sira neebe deside atu fila uma ona.

Nia esplika, durante sira halao hodi fahe material iha fatin Tasi Tolu Sentru Vokasaun eskola 12 de Outubru hamutuk uma kain 101 resin, Don Boscu, Sabraka Laran Becora, Infordepe no Cristal Balide. Provizoriu total sira neebe fila tiha ona ba uma, kuaze 1000 resin.

Iha fatin hanesan Xefe Aldeia Lemocari, Eustaquio Tilman hatete, total refujiadu evakuasaun iha sentru vokasaun suku Manleuana hamutuk 80 familia, kompostu husi aldeia tolu hanesan, aldeia Lemocari 37, Lesibutak 39, Laulora familia 3.

“Akontese inundasaun iha dia 4 abril, tanba ema ida-idak salva nia aan, lakonsege evakua sira, maibe too dia 12 abril maka foin evakua refujiadu sira mai iha fatin nee. Tanba nee vitima inundasaun neebe reintegra iha aldeia 3 hanesan aldeia Laulora 3 Familia, Lemocari 12 familia no Lesibutak 17 familias,” nia tenik.

Nia dehan, liu husi autoridade halo justifikasaun, iha tempu neeba, laos komunidade sira neebe hetan grave deit maka evakua mai iha nee, maibe balun ho situasaun amiasadu iha fatin neeba, entaun sira mos evakua iha fatin nee, para asegura sira nia aan, duke asegura sasan no fin, ikus mai bele ona posibilidade fila ba uma, entaun ami bele haruka fila.*

Reportajen: Blandina Mauno
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun; EP1

STLNEWS.co – Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun • EPISODE 1: Drama Kakaluk Ba Corona https://youtu.be/VQBkF8ES8GE • dr. Odete Maria Freitas Belo,...

TL Seidauk Tempu Ba Expo Dubai

DILI, STLNEWS.co - Timor Leste atu partisipa iha Expo Dubai, maibe haree ba situasaun agora povu sofre ba situasaun Covid-19 no kalamidade, tanba nee...

Akontesementu Meza PPN Rahun; MP Notifika Deputadu CNRT Nain 8

DILI, STLNEWS.co - Relasiona ho akontesementu meza Prezidente Parlamentu Nasional (PPN) rahun iha loron 18-19 Maiu 2020, Ministeriu Publiku (MP) fo ona karta notifikasaun...
%d bloggers like this: