Pagamentu Fornesedor Sesta Bazika, Setor Privadu Agradese

DILI, STLNEWS.co – Governu halo ona pagamentu ba kompania distributor aihan sesta bazika, nee hatudu katak, governu halao duni nia dever, tanba nee bainhira iha osan, sira sempre halo pagamentu ba kompania sira, neebe durante nee fornese ona aihan sesta bazika ba benefisiariu sira, tanba nee setor privadu agradese ba governu.

“Ita haree governu halo ona pagamentu ba kompania distributor sesta bazika, nee desde fulan hirak liu ba no mai too agora, foin dadauk iha semana ida nee nia laran, governu halo tan pagamentu ba kompania distributor sira, ida nee hatudu katak, setor privadu bele dada netik iis, maibe kompania balun seidauk hetan pagamentu, tanba sira tenke trata lai dokumentus balun, neebe seidauk kompletu,” haktuir Prezidende Camara Comersiu Industria Timor Leste (CCI-TL) Oscar Lima ba STL, Kinta (08/07/2021) iha nia knaar fatin Fomento.

Nia afirma liu tan, diak liu tan bainhra governu iha osan, sira hanoin uluk atu halo pagamentu, ida nee hanesan parte ida atu motiva nafatin setor privadu sira, maibe ho osan kiik oan nee, seidauk bele atu halo rekuperasaun ekonomia iha rai laran, tanba osan ba programa sesta bazika nee, ninia montante kiik tebes, no setor privadu balun ba kreditu iha banku maka hodi implememta sesta bazika, tan nee bainhira governu halo pagamentu maka sira bele lori fali banku nia osan ba hatama ho mos nia nia jurus, tanba nee setor privadu la hetan osan, tanba osan neebe estadu fo mai nee ba selu hotu iha banku.

Iha parte seluk, tuir komunikadu neebe STL asesu katak, iha loron Tersa (06/07/2021) nee governu liu husi Ministeriu Finansas (MF), realiza tan pagamentu sesta bazika faze daruak ho montante millaun $13,6 ba kompania fornesedor aihan sesta bazika hamutuk 53 neebe mak estabelese ona kontratu ho Ministeriu Turizmu, Komersiu no Industria (MTCI).

Pagamentu hirak nee halo hafoin MF simu pedidu husi MTCI hamutuk 67, no MF realiza ona pagamentu 53. Pedidu pagamentu 14 tenke devolve ba MTCI atu kompleta rekezitus pagamentus tuir lei haruka hodi submete fila fali mai MF. Pagamentu neebe MF halo nee hahu husi fulan Marsu 2021 too iha inisiu fulan-Jullu 2021, MF realiza ona pagamentu sesta bazika (Faze I no Faze II) hamutuk millaun $41,2.*

Reportajen: Madalena Guilhermina Franco
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Covid-19 Update (26 Jullu 2021): Pozitivu 6, Rekoperadu 45, & Ativu 656

DILI, STLNEWS.co - Loron 26 fulan Jullu liu Centro Integrado Gestão de Crises, Sala Situação (CIGC-SS) rejistu kazu pozitivu Covid-19 iha nain 6, Dili...

Demisaun Membru PNTL 3, PN Rekonese Bazeia Ba Regulamentu

DILI, STLNEWS.co - Parlamentu Nasional (PN) liu husi komisaun B neebe trata asuntu defeza seguransa no negosiu estranjeiru rekonese demisaun membru Polisia Nasional Timor-Leste...

Komisaun F Seidauk Aprova Projetu Lei Protesaun Ba Labarik

DILI, STLNEWS.co - Parlamentu Nasional (PN) liu husi Komisaun F trata asuntu Saude, Seguransa Sosiais no Igualidade Jeneru, seidauk aprova projetu lei protesaun labarik...
%d bloggers like this: