PD Sujere Governu Apoiu $200 Ba Estudante

Deputadu husi Bankada PD, Mariano Asanami Sabino. (Dok: STL)

DILI, STLNEWS.co – Bankada Partidu Demokratiku (PD), sujere ba governu da-8 apoiu osan ba estudante sira neebe hela iha Dili $200 kada fulan, maibe PD la konkorda haruka fila estudante ba munisipiu.

Deputadu Mariano Asanami Sabino hatete, governu tenke fo apoiu direta estudante sira iha durante lockdown nee.

“Ami nia sujestaun diak liu fo osan 200 ka 300 kada fulan, mais klaru kedan osan para sira utiliza ba sira nia nesesidade. Tanba hau hanoin apoiu fos ka hahan neebe durante nee mos, halo sesta bazika dalaruma la too hotu hotu,” dehan nia ba jornalista sira iha PN, Tersa (23/03/2021).

Nia dehan, agora ho situasaun covid ema labele ba antrian simu hahan, entaun dalan ka opsaun diak maka fo fila fali ba povu mos osan, i ba estudante mos fo apoiu osan para sira sosa nesesiadade neebe maka sira presiza liu.

Assanami afirma liutan, bainhira fila ba uma mos situasaun neebe defisil balun laiha liu kedan osan atu sosa fos, i balun tenke servisu fila liman maka hetan osan.*

Reportajen: Domingas Soares
Editor: Domingas Gomes

LEAVE A REPLY

Please enter your comment!
Please enter your name here