PLAN International Kontinua Apoiu Vitima Inundasaun Iha Suku Madohi

DILI, STLNEWS.co – Ajensia PLAN International kontinua apoiu sasan dapur ba vitima inundasaun sira iha Suku Madohi.

Tuir Safe Guarding Vocal Point, Delsio Guimaraes katak, apoiu nee mai husi PLAN International hamutuk Protesaun Sivil no Ministeriu Solidariedade Sosial no Inkluzaun atu fornese pakote laos ai han, maibe liu liu sasan dapur nian inklui biti no manta ba benefisiariu sira, liu liu sira neebe mak foin lalais hetan inundasaun iha dia 4 Abril bee tama uma no mos sobu sira nia uma.

“Maibe tanba ita haree ba ida neebe kategoria vulneravel sira, sira neebe mak bee tama uma mais vuneravel hanesan ema sira neebe mak defisiensia ferik no faluk, sira neebe mak hela iha uma kain sira neebe mak risku ba dezastre neebe foin lalais akontese” tenik Delsio Guimaraes ba STL iha suku Madohi Dili, Segunda (17/05/2021).

Nia hatete, iha Suku Madohi iha pakote hamutuk non food item 110 neebe mak fornese ba uma kain sira neebe mak hela iha Aldeia 8 neebe mak eziste iha Suku Madohi, entaun sira hotu hetan, identifika familia sira nee mak mai husi Xefi Aldeia sira mak fornese dadus nee, depois servisu hamutuk ho xefe suku depois mak valida no halo distribuisaun ba ida nee.

Nia akresenta hafoin dia 4 Abril akontesementu inundasaun, responde kedas iha dia 5 Abril, fornese pakote laos non food item nee mos iha, ai han balu fornese ba kampu IDP sira, no sira neebe mak hela iha sentru evakuasaun ita distribui mos ai han ba sira atu sira bele uza nuudar sira nia direitu ba iha sira nia entaun ida nee parte idak idak nia.

Iha fatin hanesan Xefe Aldeia Loro Matan, Suku Madohi, Patricio Da Silva kontente tanba PLAN International, neebe mak parseriu ho governu apoiu ona komunidade sira iha suku Madohi.

“Hau sente kontente tanba PLAN International, parseriu governu neebe apoiu komunidade laos foin dadauk nee, tanba iha dia 4 Abril mos iha momentu neeba bee tama uma, PLAN International parseiru governu nee apoiu fós kada famila hetan saka ida.” tenik nia.

Reportajen: Maria Tavares
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 21 Setembru: Kazu Pozitivu 67 & Rekuperadu 318

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 67 no kazu rekuperadu hamutuk 318. "Kazu detetadu foun neebe relata...

Sai PR Labele Halo Terus Povu

DILI, STLNEWS.co – Tuir lian Komunidade Agostina Soares katak, se mak atu kandidata an ba Prezidente Republika ba tinan 2022-2027, labele halo terus tan povu...

Fundasaun Codiva Haklean Konesementu LGBTI Ba Autoridade Lokal

DILI, STLNEWS.co – Fundasaun Codiva haklean informasaun no konesementu konaba asuntu Lesbian Gay Bisexual Trans Intersex (LGBTI) ba autoridade lokal. Haktuir Diretora Ezekutiva Fundasaun Codiva...
%d bloggers like this: