PN Husu Governu Aprosima Banku Redus Jurus

DILI, STLNEWS.co – Membru Parlamentu Nasional (PN) husu governu halo aprosimasaun ho banku, hodi fasilita kreditu ba setor privadu ka negosiu kiik ho jurus neebe kiik.

Tuir Deputadu Antonio de Sa Benevides katak, governu tenke halo aprosimasaun ho banku hodi fasilita kreditu ba setor privadu no negosiu kiik ho jurus neebe kiik, tanba TL oras nee hasoru hela pandemia surtu Covid-19 no agora mosu tan fali ona variante Delta, tanba nee defikulta setor privadu atu buka osan hodi selu banku nia osan iha tempu susar ida nee.

“Hau hanoin atu redus jurus hodi fasilita setor privadu no negosiante kiik asesu ba kreditu iha banku, mak knaar governu nian tenke halo aprosimasaun, tanba banku nee buka osan, no sira la haree ba situasaun neebe setor privadu hasoru iha tempu pandemia ida nee, tan nee atu responde ba setor privadu nia halerik, mak governu tenke aprosima ho banku hodi redus jurus,” dehan Deputadu Antonio ba STL iha PN, Kuarta (25/08/2021).

Nia hatutan, loloos nee iha situsaun pandemia nia laran, banku tenke aplika jurus kiik, ho nunee bele fasilita diak liu tan atividade setor privadu, hodi hadia hikas ekonomia rai laran neebe monu maka’as iha tempu defisil nee, tanba nee husu governu koalia ho banku fasilita kreditu ho funan kiik ba grupu mediu pekenas no emprezas.

Iha fatin hanesan, Deputadu Jose Paiseco hatutan, banku iha nia kriteria rasik, nia bele hatun jurus, no nia bele hasae jurus, maibe situassun neebe TL hasoru oras nee defisil tebes, povu atu halo negosiu mos ba mai mos tenke swab no tenke vasina, ho problema sira nee hotu bele defikulta kliente sira atu selu banku nia osan ho jurus boot.*

Reportajen: Madalena Horta
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Horta Hasoru Malu Ho Rhee In-Yong

DILI, STLNEWS.co - Prezidente Republika (PR), José Ramos Horta, halao enkontru ho Rhee In-Yong. Iha inkontru nee koalia konaba projetu responsabilidade sosial korporativa iha Timor...

MMT Introdus Planu MLC Ba Stakeholder

LIKISA, STLNEWS.co - Mary MacKillop Today (MMT) halao enkontru ho parte interesada (stakeholders) husi parte governu nia reprezenta, Rui da Costa Belo, Visi Prezidente...

Presiza Kuda Unidade Domin Maromak

UATULARI, STLNEWS.co - Joven mak futuru nasaun nian, tanba nee presiza kria pas no unidade Maromak nian iha sosiedade leet. Kestaun nee hatoo husi, Madre...