PN Intrega OJE 2021 Ba PR

DILI, STLNEWS.co – Parlamentu Nasional liu husi Komisaun C, neebe trata asuntu finansa publika, intrega ona Orsamentu Jeral Estadu (OJE) 2021 ba Prezidente Republika.

Vise Prezidente Parlamentu Nasional, Luis Roberto hatete, OJE 2021 husi PN aprova ona iha semana kotuk, hatuun ona ba iha komisaun C neebe trata asuntu kona ba finansa publika, hodi halo relatoriu paraser para haruka ba PR hodi halo promulgasaun ba Orsamentu nee.

“Iha Segunda feira loraik, komisaun C enkamina tiha ona OJE 2021 ba Prezidente Republika,” dehan nia.

Nia afirma, bazeia ba lei durante loron 30 iha PR nia liman hodi haree no estuda atu promulga ka lae. Karik PR seidauk promulga OJE 2021 orsamentu Dot bele uza ba iha fulan Janeiru.

“Hau haree katak, situasaun tuir PR nia kompetensia bele promulga lalais nee diak liu tan, atu nunee bainhira tama iha fulan Janeiru 2021 bele ezekuta ho karakter normal,” hakotu nia.*

Reportajen: Domingas Soares/Guilhermina Franco
Editora: Carme Ximenes

LEAVE A REPLY

Please enter your comment!
Please enter your name here