PN Kestiona Nesesidade Baziku Iha Oecusse Sae

Estadu Emerjensia ba faze dala 9, governu hapara operasaun ro Nakroma no Success labele halo viazen ba Oecusse, tan nee povu Oecusse hasoru hela problema aihan, tanba kleur ona fronteira Oecusse ho Indonezia taka, no nesesidade iha Oecusse depende mai iha nasional, ro la halai maka sembako sae makaas iha Oecusse. (Foto: Media PN)

DILI, STLNEWS.co – Estadu Emerjensia ba faze dala 9, governu hapara operasaun ro Nakroma no Success labele halo viazen ba Oecusse, tan nee povu Oecusse hasoru hela problema aihan, tanba kleur ona fronteira Oecusse ho Indonezia taka, no nesesidade iha Oecusse depende mai iha nasional, ro la halai maka sembako sae makaas iha Oecusse.

“Hau hanoin governu tenke hare didiak bain, hira foti desizaun atu hapara atividade operasaun ro nian, agora dadauk folin sembako sae makaas iha Oecusse, kestaun nee fo sai husi reprezentante povu iha uma fukun Parlamentu Nasional, Deputada Lucia Taeki, Segunda (11/01/2020).

Nia mos afirma liu tan katak, fos nia folin agora sae makas tiha ona iha Oecusse, kada saka US$ 20 tiha ona, tan nee husu ba governu atu buka solusaun ba problema nee, maske kazu Covid nee perigu tebes, maibe governu tenke hare mos povu nia preokupasaun.

No inan aman balu husi Oecusse mai iha hela nasional, atu fila ba Oecusse ladiak tanba ro la halai, tan nee husu governu atu tetu didiak.

Hatan ba preokupasaun nee Ministru Francinsco Jeronimo hateten, iha rezolusaun ida provizoriu bandu ro labele halo operasaun ba Oecusse, maibe rezulusaun nee basai atu bandu pasajeirus deit no merkadoria la bandu, tan nee ro nafatin tula nesesidade baziku ba Oecusse.

“Hau hanoin rezulusaun nee governu hasai atu ema labele halo movimentu ba mai Oecusse, tanba foin dadauk ema balun pozitivu Covid mai husi Oecusse, no moras nee atu labele daet tun sae maka governu hasai rezolusaun ema labele lao ba mai, no ro bele ba mai hodi tula aihan ba povu Oecusse.” dehan nian. *

Reportajen: Madalena Horta/Jacinta Sequira
Editora: Carme Ximenes

LEAVE A REPLY

Please enter your comment!
Please enter your name here